Home EduTek COVID-19, MEJD Suspende Atividade Aprendizajem, Armindo: Sei Iha Programa Tele-Eskola

COVID-19, MEJD Suspende Atividade Aprendizajem, Armindo: Sei Iha Programa Tele-Eskola

2077
0
MEJD halo konferensia imprensa. [Foto: Marcio | 04.12.2020

Reportazen Marcio Morato Pinto

“Programa online ka ensinu a distansia maka hanesan programa eskola ba uma, Tele-Eskola, iha Radio no Televisaun sira, inklui iha media social, hanesan YouTube, website bele asesu iha google play store konaba aplikasaun eskola ba uma”. Armindo Maia

Relasiona ho Dekretu Governu No. 21/2020 30 de Dezembru konaba medidas ba ezekusaun ba deklarasaun Estadu Emergensia (EE) no iha artigu 28 ne’ebe koalia konaba funsionamentu estabelesimentu do Ensino, liu hosi konferensia imprensa ba jornalista sira Ministeriu Edukasaun Juventude no Desportu (MEJD) desidi eskola publika, privadu inklui eskola Katolika sira ne’ebe hamahan an iha Fundasaun, eskola portuguesa, eskola internasional no eskola hotu iha rai laran, atu suspende provisoriamente kualker aktividades ensinu aprendizajem, inklui aktividades inskrisaun no orientasaun ba estudante foun ano letivu 2021, ne’ebe konsentra ema barak iha fatin ida.

MEJD hateten ho razaun atu prevene ema hosi virus Corona, hodi hein despaxu hosi linha Ministerial entre Edukasaun no Saúde, ho nunee Ministeriu la determina loron certeza atu reativa prosesu aprendizajem.

Ministru Edukasaun, Juventude no Desportu, Armindo Maia informa ba publiku katak maske aktividades aprendizajem sei suspende provisoriu, maibe Ministeriu sei kontinua fó programa eskola online ba estudante sira liu hosi Radio, Televisaun no mos sei fahe livro manual ba eskola sira hotu, atu nune’e estudante sira ne’ebe la asesu ba online, bele hetan manual ne’ebe ministeriu prepara.

“Programa online ka ensinu a distansia maka hanesan programa eskola ba uma, Tele-Eskola, iha Radio no Televisaun sira, inklui iha media social, hanesan YouTube, website bele asesu iha google play store konaba aplikasaun eskola ba uma”, dehan Ministro Armindo Maia iha sala konferensia MEJD, Dili, 04/01.

Entretantu durante tempo suspensaun ne’ebe la lori tempo naruk no laiha loron determinadu, MEJD husu ba professor no alunos sira hosi Pre-Eskolar, Ensino Basiku no Ensinu Sekundariu atu nafatin akompanha programa ensinu a distansia liu hosi plataforma sira ne’ebe iha ona no informasaun relevante sira seluk ne’ebe sei hatoo hosi Ministeriu Edukasaun.  

Print Friendly, PDF & Email

LEAVE A REPLY

Please enter your comment!
Please enter your name here