Home Notisia UDT/FM Husu Ba PR Atu Bele Harmoniza Situasaun Politika Rai Laran

UDT/FM Husu Ba PR Atu Bele Harmoniza Situasaun Politika Rai Laran

265
0
UDT/FM halo entrevista ho jornalista sira iha palacio prezidensia. [Foto: Santina Lucia da Costa | 23.01.2020]

Reportazen Santina Lucia da Costa

Iha sorumutu ho Prezidente da Republika, Dr. Francisco Guterres Lú Olo ho partidu UDT no Frente Mudansa [FM], ho objetivu atu rona hanoin hosi Prezidente da Republika.

Hafoin remata enkontru, Prezidente Bankada UDT/FM, Francisco David Carlos esplika ba jornalista sira katak, Prezidente da Republika hakarak halo dialogu hodi responde ba situasaun politika rai laran nian, liu-liu ho Orsamentu Jeral Estadu 2020 ne’ebe la pasa.

“Fó ami nia opiniaun oinsa mak bele harmoniza fila fali situasaun politiku rai laran, hodi tau interese nasional no lais halo tuir interese partidu nian”, iha palacio prezidensia 23/01.

Hatan ba Neon Metin konaba opiniaun fundemantal ne’ebe hato’o ba Prezidente da Republika, Xefe Bankada UDT/FM responde katak, opiniaun fundamental mak oinsa nain ulun boot sira, hamutuk lolo liman ba malu, hodi tau interese nasaun no la hare ba interese partidu nian.

Iha sorin seluk, Prezidente Interino Frente Mudansa, Egidio de Jesus dehan, Iha ita nia lisan mak nahe biti boot hodi rezolve problema , ohin UDT/Frente Mundansa lider hotu hodi fó netik opiniaun ruma, para Prezidente da Republika bele rezolve problema.

“Portantu ba povu hotu hakmatek nafatin, kamararadazen hala’o nafatin, fó tempu ba Prezidente da Republika hodi tur hamutuk ho orgaun soberanu sira seluk, atu nune’e buka solusaun sientifika ba paz, domin no dame, para governo bele halo sira nia knaar, tanba ne’e ohin ami mai fó de’it opiniaun, para Prezidente Republika bele uza buka solusaun”, tenik Egidio

 

Egidio hatutan katak Prezidente da Republika rona ona ami nia hanoin, semana rua ka fulan oin mai bele ona iha solusaun ne’ebe Prezidente da Republika sei foti.

 

LEAVE A REPLY

Please enter your comment!
Please enter your name here