Home Notisia Konsorsiu AHP Entrega Nesesidade Inkluzivu Ba SEPS, Tulun Komunidade Afetadu Hosi Inundasaun

Konsorsiu AHP Entrega Nesesidade Inkluzivu Ba SEPS, Tulun Komunidade Afetadu Hosi Inundasaun

502
0
konsorsiu AHP hamutuk ho SEPS iha seremonia entrega sasan responde emerjensia. [Foto: Zevonia Vieira | 09.04.2021]

Reportazen Ekipa Neon Metin

Relasiona ho inundasaun ne’ebe akontese iha loron 3-4 Abril, no halo komunidade sira maioria hetan afetadu, ho nune pedidu hosi Sekretaria Estádu ba Protesaun Sivíl (SEPS) nian hamutuk ho instituisaun governu nian sira seluk no iha kolaborasaun ho agensia Nasoens Unidas nian sira, Parseria Humanitária Australia nian (AHP – sigla Inglesh) ho nia parseru sira, apoiu governu nia lideransa hodi responde no distribui item sira aihan no laos aihan nian ba familia ne’ebé afetadu maka’as.

Liu hosi seremonia entrega ofisial hosi konsorsiu AHP ba SEPS, Diretór Paíz CARE Internasional nian iha Timor-Leste, ne’ebé lidera agensia konsórsiu AHP nian, Peter Goodfellow hateten katak AHP nia preokupasaun primáriu mak atu asegura katak evakuadu hotu-hotu iha asesu ba akomodasaun ne’ebé seguru, no aihan no esensiais sira seluk ne’ebé sira persiza liu agora.

“Ida ne’e krítiku tebes atu ita konsidera nesesidades feto no labarik sira nian no ema ho defisiensia, hanesan ita hatene husi esperiensia katak grupu hirak ne’e mak presiza liu atensaun extra iha etapa sira dahuluk iha emerjensia ida,” dehan Goodfellow iha SEPS Kaikoli, 09/04.

Iha fatin hanesan First Secretary, Human Development Australian Embassy, Dili, Timor-Leste, Troy Skaleskog hateten katak “apezár husi kondisaun defísil ida ne’e, ita nia ONG sira husi Parseria Humanitária Australia nian imediatamente iha terenu, fornese apoiu esensial ba hirak ne’ebé temporariamente hela iha centro evakuasaun sira.

Iha âmbitu parseria nian, ONG hirak ne’e serbisu besik liu ho Sekretaria Estádu ba Protesaun Sivil iha tinan ne’e tomak, hodi nune’e ita bele responde ho lalais kedas, hodi hatan ba nesesidade urjente sira no asiste iha assesmentu ba nesesidade ne’ebé sei guia asistensia sira seluk tuir mai.

Iha nia diskursu, Sekretario Estádu ba Protesaun Sivil, Eng. Joaquim José Gusmão dos Reis Martins hateten ho inundasaun maka’as ne’ebé akontese rezulta ona estragus signifikativus ba komunide nia uma no infrastrutura publiku sira hanesan estradas no pontes.

Nia dehan nudar rezultadu husi ne’e, mak afeta komunidade liu ema nain 10.000 mak evakua ona ba centro evakuasaun dezignadu sira hamutuk 19.

“Hau hakarak uza oportunidade ida ne’e atu hato’o hau nia sínseru gratidaun ba apoiu ne’ebé fo ona husi Embasada Australia liu husi parseria konsórsiu humanitária nian. Hein katak apoiu hirak ne’e bele hakma’an ita nia komunidade sira nia nia terus no sofrimentu relasiona ho inundasaun boot ida ne’e no bele rekupera hodi fila fali ba sira nia moris lor-loron nian”, dehan Sekretariu Estadu Joaquim José Gusmão dos Reis Martins.

Konsórsiu ONG sira husi Parseria Umanitária Australia nian (AHP – sigla Inglesh) hanesan (CARE Internasional iha Timor-Leste, Caritas Australia, Oxfam, World Vision no Plan International) fornese Kulsaun 100, terpal/lona 100, manta 1000, material dapur nian set 190, pakote hijiene 200, lisu fatin 30, estasaun fase-liman 30, spanduk hamriik nian ho mensazen konaba prevensaun COVID-19 hamutuk 30 no sabaun/sabonetes hamutuk kaixa 15 (2160 unidade mak iha laran)  ne’ebe finansia husi governu Australia.

Programa Parseria Humanitária Australia (AHP – Sigla Inglesh) nudar Responde ida ne’e mobilizadu liu husi mekanizmu Parseria Humanitária Australia nian (AHP) ne’ebé finansia husi Governu Australia no implementa husi konsórsiu ONG sira, inklui CARE Internasional iha Timor-Leste, Caritas Australia, Oxfam, PLAN and World Vision, organizasaun nasional ema ho defisiensia nian Ra’es Hadomi Timor oan (RHTO) no parseru lokal sira seluk.

Print Friendly, PDF & Email

LEAVE A REPLY

Please enter your comment!
Please enter your name here