Home Notisia Ministru Asumtu Veteranu Australia nian, Entrega Fotografia Tinan 1999 Ba TL

Ministru Asumtu Veteranu Australia nian, Entrega Fotografia Tinan 1999 Ba TL

82
0
Ministru Asumtu Veteranu no Pessoal Defeza Australia, Darren Chester entrega fotografia tinan 1999 ba TL. [Foto: Francisco J.Almeida | 20.09.2019]

Timor-Leste komemora loron interfet ba tinan 20, liu hosi loron refere, Ministru Asumtu Veteranu no Pessoal Defeza Australia, Darren Chester entrega fotografia ne’ebe nakonu ho memoria iha tinan 1999.

Liu hosi seremonia entrega fotografia ofisial ba Timor-Leste, Darren Chaster hateten ohin loron, nuda loron espesial ne’ebe mak marka tinan 20 ba iha povu Timor, ne’ebe maka vota maioria ba independensia, sente previlejiu boot tanba hola parte iha momentu ida ne’e.

Darren mos hateten, artista ne’ebe mak kontribui ba ezivisaun maka Rick Amon, nia nomeadu hosi memorial funu Australia nian. Rick iha dever ofisial para atu bele arkiva Australia nia involmentu iha Interfet no hanesan forsa multi-internasional ne’ebe mak haruka mai Timor, depois de 1999 konsultasaun popular, hodi halo viajen lori tropas Indonesia ba iha Suai, Maliana [Balibo].

Iha fatin hanesan, Sekretáriu Estadu Gil da Costa “Oan soru” hateten katak, nnra no previlejiu boot tebes bele hetan vizita husi jeneral lubuk ida ne’ebé sei ativu no veteranu lubuk ida, espesialmente ba Ministru Asuntu Veteranus ninian, Ministru Defeza Australia nian, Ministru Defeza Nova Zelandia nian.

Gil da Costa lori governu Timor-Leste nia naran agradese ba komemorasaun ba tinan 20, povu orgullu ohin bele selebra tinan 20 ne’ebé prezensa nasaun 40 resin espesial ba nasaun Australia.

“Relasaun entre governu Australia ho Timor-Leste besik ona tinan 80 ne’ebé hahu kedas II Guerra mundial mai to’o ohin loron, ita sai testamunha, tanba tinan 20 istória foun ba iha Timor,” dehan Sekretáriu Estadu. * [Santina Lucia Da Costa | Editor: Zevonia Vieira | Neon Metin | 20.09.2019]

 

LEAVE A REPLY

Please enter your comment!
Please enter your name here