Home Notisia Estudante Finalista UNITAL Sedauk Gradua, Reitor: Sei Prosesa Dokumentus

Estudante Finalista UNITAL Sedauk Gradua, Reitor: Sei Prosesa Dokumentus

417
0
Universidade Oriental Timor Lorosa'e. [Foto: Copyrigt Google | 20.09.2019]

Universidade Oriental Timor Lorosa’e [UNITAL] sedauk realiza graduasaun ba períodu tinan ida ne’e. Bainhira jornalista Neon Metin dada lia ho estudante finalista, hosi faculdade Rekursu Naturais e Minarai, departamento Petroliu, Anibal Alves da Cisra, hateten katak triste tebes tanba yudisium halao kleur ona, maibe to ohin loron sedauk iha data fiksu ba graduasaun nian.

Anibal hatutan kompara ho universidade sira seluk bainhira yudisium remata, data fiksu ba graduasaun mos fiksu, maibe iha UNITAL oin seluk, “yudisium iha fulan Jullu, sira fó hatene dehan fulan Agustu tenki graduasaun maibé ate a data tama ona ba fulan Septembru nein rona data graduasaun ninian”.

Estudante Anibal aproveita oportunidade ida ne’e, sujere ba parte estrutura retória ninian, hodi haree problema ida ne’e, tanba sira estudante sai vitima beibeik, tinan kotuk problema konsege resolve ona ,mai fali ida ne’e parte estrutura retória nian tur hamutuk oinsa bele resolve buat ki’ik oan ida ne’e, atu nune’e ba oin bele lao ho di’ak.

Iha hanoin hanesan estudante finalista hosi fakuldade CISPOL, Departamentu Administrasaun Publika, Juniar da Silva Soares, hateten sente konfuzaun konaba gradasaun, tanba to’o agora seidauk rona informasaun hosi parte universidade.

“To’o agora informasaun seidauk los ida, ami husu ba fakuldade, fakuldade dehan ba husu iha finansas, depois ba husu iha finansas, sira dehan informasaun ba graduasaun seidauk los, se imi iha osan ba graduasaun iha, bele ba rejistu ona, maibé ami seidauk hatene lolos informasaun graduasaun, maibé finansas obriga ami, ami tenki regis ona osan ba graduasaun, hau sente triste tanba hein atu graduasaun kleur los”, katak estudante Juniar, 19/09

Juniar mós ezije ba reitór, trata sira nia dokumentus lalais fó ba Ministerio Edukasaun atu nune’e sira nian bele publika lalais iha jornal Republika.

Entretantu, Reitór UNITAL, Florindo Pereira, hatan ba preokupasaun hirak ne’e kata sira sei halo graduasaun, maibé sei prosesu dokumentus antes atu intrega ba Ministerio Ensino Superior depois Ministerio Ensino Superior verifika hotu mak hafoin hatun despaisu no publika iha Jornal Republika mak foin bele graduasaun.

Reitor hatutan tan katak universidade seluk graduasaun lalais ne’e depende nia prosesu, “ami hatama ona dokumentus ne’eba iha Ministeriu iha semana kotuk liuba, ita kompleta dokumentus ne’e verifika didi’ak maka fó ba ministerio”, hateten Reitor UNITAL

Tuir planu universidade graduasaun tenki iha fulan Outubru, maibé depende ba Ministerio Edukasaun, total 500 pesoas ne’ebe mak tuir ona yudisium. *[Santina Lucia Da Costa | Editor: Zevonia Vieira | Neon Metin | 20.09.2019]

 

LEAVE A REPLY

Please enter your comment!
Please enter your name here