Home Notisia CCFP Dezemina Informasaun Konaba Fundu Petrolifero Iha UNITAL

CCFP Dezemina Informasaun Konaba Fundu Petrolifero Iha UNITAL

114
0
CCFP parseiru ho Comissao C Parlamentu Nasional dezimina informasaun konaba FP iha UNITAL. [Foto: Francisco J.Almeida | 19.09.2019]

Conselho Consultivu Fundo petroliferu [CCFP] hala’o deseminasaun no informasaun ba nivel universitariu iha Universidade Oriental Timor Lorosae [UNITAL]. Liu hosi enkontru refere Presidente CCFP, Pe. Julio Crispin X. Belo nudar orador hateten objetivu hosi deziminasaun informasaun ne’e atu bele foti opiniun publiku ba elaborasaun no rekomendasaun ba provas orsamentu nian.

Pe.Julio Crispin haklean katak Conselho consultivo sira parseiru ho UNITAL, atu lori informasaun konaba Fundu Petrolífero [FP] no mos atu fo opiniaun publika no hatoo rekomendasaun, hodi halo elaborasaun ba aprovasaun orsamentu iha parlamentu nacional, tuir Lei haruk

Iha fórum ne’e refere, Pe.Julio hateten UNITAL mos hola parte nudar academista, sira presiza hatene mos osan fundus petroliferu ne’e mak bele tama iha Orsamentu Jeral Estadu.

Iha fatin hanesan Reitor UNITAL, Florindo Pereira M.Si.,Ph.D hatete programa deziminasaun ida ne’e kapas tebes, tamba bele ajuda jerasaun foun sira, hodi hatene oisan jere fundu petroliferu ne’e rasik.

Atividade ida ne’e organiza husi CCFP, parseiru ho Comissao C Parlamentu Nasional, BCTL, ANPM, TIMOR GAP.EP no EITI-TL.

Estudante hamutuk 200 resin hosi faculdade Politika, Edukasaun, Rekursu Naturais no faculdade sira seluktan. Programa deziminasaun ida ne’e halao iha capital Dili, liu-liu ba iha parte ensino superior sira, ne’ebe realiza iha loron 19/09/19, iha salaun UNITAL Becora. * [Francisco J.Almeida | Neon Metin | 19.09.2019]

 

 

 

LEAVE A REPLY

Please enter your comment!
Please enter your name here