Home Justisa Ela Variana Ho nia Defensór Hatama Ona Keixa Hasoru PNTL, Henrique: Prontu...

Ela Variana Ho nia Defensór Hatama Ona Keixa Hasoru PNTL, Henrique: Prontu Hatán Iha Tribunál

1624
0
Komandante Jerál Polísia Nasionál Timor Leste (PNTL), Komisáriu Henrique da Costa. [Foto: David | 02.08.2023]

Reportajen David da Costa

Relasiona ho Atevista Feto Ela Variana ho nia Defenssór Publiku ne’ebé  hatama ona prosesu sivil ba Tribunal Dili hodi kontra atuasaun Polisia Nasionál Timor-Leste (PNTL) ne’ebé halo atuasaun hasoru Atevista feto Ela Variana. Tanba ne’e,  PNTL prontu hatan iha Tribunál kona-ba keixa ne’ebé ativista Feto Ela Variana ho nia Defenssór Publiku hato’o ne’e.

Komandante Jerál Polísia Nasionál Timor Leste (PNTL), Komisáriu Henrique da Costa hateten, PNTL prontu hatan iha Tribunál kona-ba keixa ne’ebé ativista feto Ela Variana hato’o ona ba iha Ministériu Públiku no  prontu atu kolabora, maibé apela mós ba iha sidadaun hotu, labele uza média sosiál ne’e tuir ema ida-idak nia hakarak.

“Sidadaun hotu-hotu iha direitu karik hanesan polísia halo buat ruma, tuir sira katak ida ne’e la loos, sira aprejenta ba iha Tribunál depois bolu ita hatan, ita sei la ses husi lei, tanba lei ne’e ba ema hotu-hotu. Sidadaun, ita prontu atu kolabora. Atu apela mós ba iha sidadaun hotu, ita labele uza ita nia média sosiál ne’e tuir ema ida-idak nia hakarak, maibé ita tenke hatene katak iha mós limitasaun, labele ida ne’e atu nune’e ameasa fali ema seluk ne’e la loos,” dehan KOMJER PNTL, Komisáriu Henrique da Costa, hafoin enkontru regulár ho Xefe Estadu iha Palasiu Prezidensiál Bairu-Pite, Kuarta 02/08.

Nia haktuir, bainhira ema ameasa ona no satan hanesan atu oho ne’e krime, tanba ne’e polísia sei nafatin buka tuir, la’ós katak ba Ela Variana de’it, mas seluk tan ne’ebé sei uza nafatin média sosiál nune’e fó ameasa ba ema seluk ne’e, sei nafatin buka tuir nune’e buka prosesu.

Maibé kona-ba servisu defensór ne’e nia halo saida, nia defende ema, ne’ebé defensór defende ba Ela Variana depois aprejenta ba mak PNTL hatan iha Tribunál. Tanba, PNTL ne’e reprezenta governu, ne’ebé atu indiminijazaun ne’e lá’os ema ida husu de’it dehan tenke selu ida ne’e, ne’e foti osan fó ba malu laiha ne’e liu husi prosesu ida.

Entertantu Iha loron 27 fulan Jullu tinan ne’e, Defenssór Publiku, Sergio Dias Quintas hamutuk atevista feto Ela Variana hatama ona prosesu sivil ba Tribunal Dili hodi kontra atuasaun PNTL tanba konsidera atuasaun membru sira hasoru Ela Variana la tuir lei. Nune’e mós hatama prosesu sivil liu-liu kona-ba prejuizu ne’ebe nia sente sofre, ho ida tribunal bele haree katak, bele fo indemizasaun ou reparasaun ba Ela Variana.

No Iha loron 12 fulan Jullu, Polísia Nasionál Timor-Leste (PNTL) liuhusi Departamentu Investigasaun kriminal Nasionál (DIKN) Indentifika  ativista feto ho ID Facebook naran “Ela Variana” ne’ebé lansa liafuan kritika hasoru Primeiru Ministru (PM) Kay Rala Xanana Gusmão iha rede média sosial.

Ho ida ne’e, Autoridade seguransa PNTL Ba foti kedas ativista feto ho  nia ID Facebook naran “Ela Variana” ne’e iha loron 12 Jillu, tuku 08:00 dader iha nia rezidensia uma aluga ida  besik iha area Universidade da Paz (UNPAZ) Manleu, Postu Administrativu dom Aleixu Munisipiu Díli.

Print Friendly, PDF & Email

LEAVE A REPLY

Please enter your comment!
Please enter your name here