Home Notisia MJDAK Sosializa Atividade Desportu Tanba fó Importánsia Hadook-an Husi Moras no Moris...

MJDAK Sosializa Atividade Desportu Tanba fó Importánsia Hadook-an Husi Moras no Moris Saudavel

697
0
MJDAC organiza seminariu konaba desportu. [Foto: Silvino | 27.06.2024]

Reportajen Silvino Freitas

Ministériu da Juventude Desportu Arte e Cultura (MJDAC) realiza semináriu kona-ba importánsia husi atividade desportiva ba ita nia saude, tanba atividade desportiva ne’e sai parte importante ida  hodi fo benefisiu ba isin atu hado’ok an husi moras, nune’e husi sosializasaun ne’e atu joven sira hatene halo atividade desportu nune’e fo imunidade di’ak ba saude di’ak.

Prezidente Komisaun Realizasaun Seminariu Delio Mali Lopez dehan, seminariu ne’e realiza iha nivel postu nian nune’e partisipante sira ne’e mai husi suku 6 ne’ebé pertense ba postu-administrativu Dom Aleixo, seminariu ne’e la’o loron ida bazeia ba tempu ne’ebé fo ba kada postu realiza loron ida.

“totál partisipante ba seminariu ne’e ema nain 50 nune’e kada suku ema na’in 5 mak tuir seminariu ne’e” dehan prezidente komisaun Delio Mali Lopes ba jornalista sira hafoin abertura seminariu iha salaun esperansa elemloi.

Reprezentante MJDAC João Rodrigues dehan, politika governu nian ne’ebé liga ho atividade desportu ne’e iha lubuk ida ne’ebé la’os de’it ba iha joven sira maibe atividade ne’ebé iha importansia ba ita nia saude, tanba treinu atu iha fiziku ne’ebé di’ak ne’e ho diferente tebes atu hetan saude di’ak tenke iha atividade desportu ne’ebé di’ak tanba iha mundu ne’e atividade desportu ne’e mak fo benefisiu ne’ebé di’ak tebes ba ita nia saúde.

Husi desportu ne’e mak fo rejultadu ne’ebé di’ak ba ita nia saude atu hetan isin di’ak, atu ita bele aproveita ita nia isin ne’e hodi pratika atividade lorloron nian, ita iha resistensia forsa no flexibilidade hotu hotu ne’ebé ita pronto ba kualker atividade ne’ebé ita halo ne’e mak benefisiu husi aitividade ne’e” dehan Diretor Jeral MJDAC Joao Rodrigues, iha abertura seminariu iha salaun esperansa elemloi, (27/06).

Nia dehan tan, atividade desportu ne’ebé dadaun ne’e ejiste iha rua mak estruturado no la estruturadu, la estruturadu mak atividade sira hanesan dasa-rai, no ida estruturadu mak desportu ne’ebé iha ninia teknika no durasaun ho mos objetivu ne’ebé presiza atu atinji, husi peskiza ne’ebé ema halo mai iha soudeste asiatiku timor leste mak ho atividade desportu ne’ebé menus liu, tanba la’os de’it atividade ne’e menus iha komunidade no eskola maibe husi instituisaun governu mos menus.

Ninia rejultadu maka kauza ba ita nia ema sira ne’ebé tama ospital ne’e, iha 2018 ema sira ne’ebé moras kuaze 700 too 900 pesoas no mai iha 2022 no 2023 ne’e ita nia numeiru ne’e sae ba 1200 too 1300, moras ne’e la’os de’it ba ferik katuas de’it maibe joven sira mos moras barak liu tama ospital ne’e kauza husi laiha atividade fizika ne’e” dehan João.

Joao fundamenta, dadaun moris joven sira nian maka sai loron to’o kalan hodi menus iha deskansa ne’e sai problema ba saude joven sira nian, nune’e husi parte governu nian mak tenke iha sosializasaun ba joven sira hodi bele motiva no bolu atensaun ba joven, ferik ho katuas sira, atu halo atividade fizika, husi sosializasaun ne’e ema hotu hatene katak atividade desportu ne’e importante ba ita nia saude, kuandu iha idade joven sei iha resistensia saude ne’ebé fleksibel maibe iha tempu idade imunidade isin nian sei menus, nune’e husi sosializasaun ne’e mak ema hotu tenke halo atividade desportu.

Print Friendly, PDF & Email

LEAVE A REPLY

Please enter your comment!
Please enter your name here