Home Notisia Prezidente Repúblika Ezonera Ministru Agio Pereira, Fidelis M, no Joaquim Gusmao

Prezidente Repúblika Ezonera Ministru Agio Pereira, Fidelis M, no Joaquim Gusmao

1743
0
Presidente Republika, Francisco Guterres Lu-Olo (Foto: Shanti LDA)

Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 36/2020, 37/2020 no 38/2020 ezonera membru VIII Governu Konstitusionál na’in-tolu husi sira nia kargu.

Tuir komunikadu ne’ebe Neon Metin asesu, hateten, Membru Governu na’in-tolu ne’ebé hetan ezonerasaun husi Prezidente Repúblika mak Ministru Estadu Prezidénsia ba Konsellu Ministru Hermengildo Augusto Perreira, Ministru Reforma Lejislativa no Assuntu Parlamentar  Fidelis Magalhães, Ministru Agrikultura no Peskas Joaquim Gusmão Martins.

Ministru Hermenegildo Augusto Perreira rezigna an husi nia kargu halo tuir orientasaun husi Partidu CNRT. Ministru Agio serve tiha ona iha governo durante tinan 15.

Ministériu Lejislativa no Assuntu Parlamentár halakon iha Lei Orgánika foun VIII Governu ne’ebé Prezidente Repúblika promulga iha 25 maiu. Fidelis Magalhaes hetan fali nomeasaun foun husi Prezidente Repúblika ba kargu Ministru ba Prezidénsia Konsellu Ministru ne’ebé sei hetan posse aban, 29 maiu, iha Palásiu Prezidensiál Nicolau Lobato. 

Membru governu na’in-ualo ne’ebé sei simu posse husi Prezidente Repúblika aban mak Ministru ba Prezidénsia Konsellu Ministru,Ministru ba Assuntu Parlamentares no Komunikasaun Sosiál , Francisco Martins da Costa Perreira Jerónimo, Ministru Finansas Fernando Hanjam, Ministru Administrasaun Estatal Miguel Pereira de Carvalho, Ministra Saúde Odete Maria Freitas Belo, Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’, Ministru Agrikultura no Peskas Pedro dos Reis.

LEAVE A REPLY

Please enter your comment!
Please enter your name here