Home Notisia 12 Abril, MS Kontinua Rejista Kazu Dengue Foun 24 no Kazu Akumulativu...

12 Abril, MS Kontinua Rejista Kazu Dengue Foun 24 no Kazu Akumulativu 4148

319
0
Ilustrasaun susuk Dengue. [Foto: Google | 22.01.2022]

Reportajen David da Costa Gusmao

Tuir dadus ne’ebe relata hosi Diresaun Nasionál Saúde Publika (DNSP) no Departamento Vijilansia EpidemiolojiaMinisteiru Saude (MS) nian iha loron 12 Abril, ne’ebe Neon Metin asesu, MS kontinua  rejista kazu dengue foun nain 24, no kazu dengue ne’e maioria iha Dili, kazu akumulativu dengue iha Timor-Leste hamutuk 4148  no labarik ne’ebe mate  ba dengue ne’e 50 ona.

“Situasaun kazu Dengue Iha Timor Leste Ohin loron dia 12 de Abril, Ministeru Saude (MS) rejista kazu dengue foun nain 24. Kazu foun ne’ebe relata iha loron ohin mai husi Municipio Dili. No kazu dengue akumulativu hamutuk 4148 no  obitu nain 50,”hateten iha komunikadu imprensa ne’ebe neon metin asesu iha loron Tersa 12/04.

No kazu dengue ne’e maioria deteta husi Municipio Dili ho total 2782, no tuir tan maka Baucau ho kazu 251, Manatuto ho kazu 172 kazu,  Manufahi kazu 167, Lautem ho kazu 153, Covalima ho kazu 135, Ermera ho kazu 118, Liquica kazu 112, Municipio Aileu ho kazu 87, Viqueque 69,  Bobonaro ho kazu 52, Ainaro ho kazu 45, no ikus liu maka Reijaun Administrativa Espesiál Oe-cusse Anbeno (RAEOA) ho kazu 5.

Em jerál kazu Dengue espalla ona iha territoriu Timor-Leste laran tomak. No husi fulan Dezembro 2021 kazu komesa aumenta ho total 225, maibe iha fulan Marsu 2021 kompara ho fulan Marsu 2022 kazu barak liu ho total 1204 kazus.

“Idade Mais afektado mak husi idade menus husi 14 anos mai kraik ho grupu edade 5-14 ho porsento 42,5% no edade 1-4 ho persentagem 35,2%. Ho ida ne’e Attack Rate (AR) idade 1-14 anos a nivel Nacional ho 0.7%,” dehan iha komunikadu ne’e.

Nune’e iha Distribuisaun kazu dengue tuir klasifikasaun mak Dengue Fever (DF) ho total 2321 kazu, Dengue Hemorrhagic Fever (DHF) ho total kazu 320 no Dengue Shock Syndrome (DSS) ho total kazu 141.

Tanba ne’e Ministeriu Saúde apela ba populasaun iha Dili laran no mósiha Munisipiu sira seluk, atu aprezenta￾an iha fasilidadepúbliku saúde (Sentru Saúde ka Ospitál) ne’ebé besik, wainhira sente isin-manas, ka Senti laran sa’e, liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here