Home Saude MS Rejistu Tan Kazu Dengue Hamutuk 473, Maioria Iha Dili

MS Rejistu Tan Kazu Dengue Hamutuk 473, Maioria Iha Dili

196
0
Imajen ilustrasaun moras dengue. [Foto: Copyright Beriasatu.com | 28.04.2020]

Reportajen David da Costa Gusmao

Komunikadu Imprensa ne’ebé mak Neon Metin asesu husi Ministeiru Saúde (MS) katak iha loron 17 Janeiro iha Diresaun Nasionál  Saude Publika, Departamentu Vijilansia Epidemolojia rejistu kazu dengue hamutuk 473, kazu dengue maioria iha Dili ho total 331  no akumulativu obitos nain 7.

“Ohin loron dia 17 Janeiro de 2022 kazu dengue hamutuk 473 no kumulativo obitos nain 7 Maioria kazu ne’e deteta husi Munisípiu Dili ho total 331 kazu, Munisípiu Ermera ho kazu 46, Munisípiu Baucau ho kazu 25, Munisípiu Manatuto ho kazu 23, Munisípiu Covalima ho kazu 17, Manufahi kazu 14, Munisípiu, Munisípiu Bobonaro ho kazu 5, Ainaro ho kazu 4, Munisípiu Viqueque 4, Munisípiu Liquica kazu 3, Munisípiu Aileu relata kazu 1. Em geral total Municipio 11 mak agora dadaun relata kazu dengue,” hateten iha komunikadu Imprensa ne’ebe Neon Metin Asesu iha Segunda 17/01.

Iha komunikadu ne’e esplika iha  fulan Dezembru 2021 kazu komesa aumenta ho total 225, maibe iha fulan janeiro 2021 kompara ho fulan Janeiru 2022 iha semana Quarta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.

Iha Municipio Dili nafatin rejistu kazu ne’ebe a’as iha Primeira semana – Quarta Semana fulan Janeiro 2022, ho total 331 kazu. Hare ba kada loron kazu aumenta bebeik husi Municipio Dili.

“Idade Mais afektado mak husi idade menus husi 14 anos mai kraik ho grupu idade 5-14 ho porsento 46,1% no idade 1-4 ho persentajen 32,6%. Ho ida ne’e Attack Rate (AR) idade 1-14 anos a nivel Nacional ho 0.08%,” dehan iha Komunikadu imprensa.

Iha Posto Administrativu Dom Aleixo relata kazu a’as liu husi Posto administrativu hotu ho total 147 kazu iha primeira semana – Quarta semana janeiro 2022, hafoin tuir husi Posto Aministrativu Cristo Rei 67 kazu, Nain-Feto 58 kazu no Vera-Cruz 56 kazu.

“Kazu obitos husi tinan 2020 ho total 10, iha tinan 2021 ho total 11 obitos no iha primeira semana fulan Janeiro 2022 iha ona obitos nain 1 nebe’e relata husi Municipio Dili, no iha terceira semana relata kazu obitos nain 4 husi Munisípiu Ermera, nain 1 husi Ainaro no nain 1 husi Bobonaro ho ida ne’e total Case Fatality Rate nivel nasional ho porsento 1,5%,”haktuir iha komunikadu.

Iha komunikadu ne’e hateten Iha Munisípiu Dili to’o ohin loron relata ona kazu dengue hamutuk 331 kazu no obito nain 1. Tuir kalendariu epidemiolojia Tinan 2022, iha primeira semana fulan janeiro Tinan 2022 Munisípiu Dili relata total 38 kazu no iha semana Segundo fulan Janeiro 2022 relata 160 kazu no iha Terceira semana relata ona 122 kazu no ohin quarta semana relata kazu ho total 11.

To’o ohin loron quarta semana fulan Janeiro 2022 Posto administrativo Dom Alexo relata kazu total 147, hafoin Posto Administrativo Cristo Rei ho 67 kazu. no tuir kedan posto administrativo Nain Feto ho total kazu 58 no Vera-Cruz ho total kazu 56, ne’e hatudu katak kada dia kazu espalla nafatin ba iha posto administrativo sira seluk.

“Iha munisipiu Dili Idade Mais afetadu mak husi idade menus husi 14 anos mai kraik ho grupu idade 5- 14 ho total 159 kazu no edade 1- 4 ho total 121 kazu. Ho ida ne’e Attack Rate (AR) idade 1-14 anos Munisípiu Dili ho 0.26%,” tenik iha komunikadu ne’e.

Distribuisaun kazu dengue tuir klasifikasaun mak Dengue Fever (DF) ho total 283 kazu, Dengue Hemorrhagic Fever (DHF) ho total kazu 29 no Dengue Shock Syndrome (DSS) ho total kazu 19

Apela ba populasaun iha Dili laran no mós iha Munisípiu sira seluk, atu aprezenta-an ihafasilidadepúbliku saúde (Sentru Saúde ka Ospitál) ne’ebé besik, wainhira sente isin-manas, ka  Senti laran sa’e,liman ain no sikun moras hodi bele hetan atendimentu husi profisionál saúde sira.

Nune’e mós husu ba Autoridades Municipais no Autoridades lokais atu bele orienta komunidadehalo limpeza Geral iha suco no bairo-bairo. Fase tanke, Bidon ka balde tau be semana Ida Dala Ida.Hamos Sasan ka limpeza hanesan roda at, vazu aifunan atu susuk labele tau tolun. Halot ropa ho Diak iha Ita Nia Uma laran. Uza ropa nebe Liman naruk Karik Toba iha tempo Loron. Uza aimoruk hanesan repelente ka autan. Uza moskiteiru karik toba iha tempo loron no soe lixu iha nia fatin.

Print Friendly, PDF & Email

LEAVE A REPLY

Please enter your comment!
Please enter your name here