Reportajen David da Costa Gusmao
Haree tiha dekretu Presidente Repúblika N.2/2022 iha 15 Janeiru nian kona-ba data eleisaun ba Presidente Repúblika, nune’e Martino Germano da Silva Gusmão nu’udar sidadaun original ida ofisialmente deklara ba públiku, katak nia kandita-an ba Presidente Repúblika períodu 2022-2027.
“Haree tiha dekretu PR N.2/2022 iha 15 Janeiru marak loron eleisaun PR, maka ohin ha’u Martinho Germano da Silva Gusmão, nu’udar sidadaun original ida hakarak deklara publikamente no ofisialmente nu’udar kandidatu ho karakter konkluzaun ne’ebé sei kaer metin konsensu nasional no komprimisiu polítika hodi tama iha prosesu eleisaun ba presidente repúblika períodu 2022-2027”, Martino Germano da Silva Gusmão informa liuhusi konferensia Imprensa iha Metiaut, tersa 18/01.
Nia dehan iha tinan hirak nia laran Martinho hamrik iha altar leten hodi dehan beibeik “hodi Kristu, ho Kristu, iha Kristu”, ohin nia rasik hahú dalan foun ida hodi dehan “Hodi Povu, ho Povu, iha Povu, ita Manan”.
“Ha’u deklara-an nu’udar kandidatu ida ho karakter inkluzaun tan ema hotu hatene, ha’u mai husi background nu’udar sacerdote dispensado, moris durante tinan 23 nu’udar nai lulik igreja Katolik, maibé ha’u sai kandidatu hodi povu nia lian halerik ne’ebé mós sarani katolik sarani”, katak Nia.
Nia esplika sira ne’ebé tur iha laran mak Maun Boot Kay Rala Xanana Gusmão, Jose Ramos Horta, Mari Alkatiri, Mario Viegas Carrascalão, José Luis Guterres, Francisco Guterres ‘Lú Olo’ no Maun Taur Matan Ruak, husi sira ne’e doutór na’in-2 no Jeneral ida mak sai ona Presidente Repúblika, maibé ninia rezultadu povu mak haree rasik ho matan ba iha moris loroloron, “ninia rezultadu moruk liu iha ita-nia história mak golpe de estadu ante-konstituisaun ne’ebé mosu iha 19 Marsu 2022, ha’u sente labele on husik Liu sasan sira hanesan ne’e”.
Nia haktuir molok foti desizaun sai kandidatu ba Presidente Repúblika, Nna rasik (Martinho) ko’alia, halo diskusaun no halo dissernimentu barak ho partidu lubuk ida. Husi partidu lubuk ida ba partidu seluk, nia lori nafatin nia ideia mai husi forum maibe kona-ba konsensu no komprimisiu. Nune’e ema hotu dehan haksolok ho Martinho nia hanoin ho vontade atu tama potilika laran.
“Kultura demokrátika nia lala’ok mak nune’e ona, demokrasia pluralista mak ida ne’e duni, partidu idadaik iha sira-nia dinâmika interna. Husi Maio 2020 to’o ohin loron, ha’u dialogu no dissernimentu polítiku ho partidu sira, hothotu apoiu, maibé PUDD de’it mak halo ona konsensu ho kumprimisiu”, dehan nia.
Nia haktuir tan la’ós tan boot ka ki’ik mak halo Martinho laran metin atu sai kandidatu povu nian, ne’ebé PUDD ho kompromisu katak, PUDD lori kandidatu povu nian ba Povu hodi povu hili.
“Ha’u hanoin dehan katak Nikolau Lobato dehan ema seluk kbiit makaas no beran boot, ita mesak ki’ik no kbi’it laek, ‘Entretanto Sabemos, e Podemos m, e Devemos Vencer”, katak nia.
Nia dehan nu’udar Presidente Repúblika, Martinho sei halo komprimisiu polítika ho partidu hothotu atu tulun sira ho matenek no néon nurak.
“Santo Padre Francisco hato’o lia menon ne’ebé tatoli tuir Kardeál Luis Antonio Tagle hakerek mai ha’u dehan, igreja convida-o seriamente a ter uma vida exemplar comp leigo e encoraja-o a prestas um serviço útil e frutuoso à comunidade Crista através dos Don’s e talento que Deus lhe concedeu”, tenik nia.
Nia salienta tanba ne’e igreja konvida ho sériu tebes, atu hatudu moris di’ak nu’udar sarani ida no enkoraja atu hatudu servisu ne’ebé di’ak no fuan tebar ba komunidade sarani sira liuhusi kmanek no matenek ne’ebé Maromak haraik.
