Home Saude 18 Janeiro, MS Kontinua Rejista kazu Dengue Hamutuk 521 no Obitu na’in...

18 Janeiro, MS Kontinua Rejista kazu Dengue Hamutuk 521 no Obitu na’in 9

170
0
Ilustrasaun susuk dengue. [Foto: google | 18.01.2022]

Reportajen David da Costa Gusmao

Komunikadu Imprensa ne’ebé mak Neon Metin asesu husi Ministériu Saúde (MS) katak iha loron 18 Janeiro iha Diresaun Nasionál  Saude Publika, Departamentu Vijilánsia Epidemolojia rejistu kazu dengue hamutuk 521,  kazu dengue maioria iha Dili ho total 371 no akumulativu obitos na’in 9.

“Ohin loron dia 18  Janeiro de 2022 kazu dengue hamutuk 521 no kumulativu obitos nain 9 Maioria kazu ne’e deteta husi Municipio Dili ho total 371 kazu, Munisípiu Ermera ho kazu 50, Municipio Baucau ho kazu 25, Munisípiu Manatutu ho kazu 23, Munisípiu Covalima ho kazu 19, Manufahi kazu 14, Municipio, Munisípiu Bobonaru ho kazu 7, Ainaru ho kazu 4, Munisípiu Viqueque 4, Munisípiu Liquisa kazu 3,  Munisípiu Aileu relata kazu 1. Em jerál total Munisípiu 11 mak agora dadaun relata kazu dengue,” dehan iha Komunikadu Imprensa l, ne’ebe Neon Metin asesu iha Diresaun Nasionál  Saude Publika no Departamentu Vijilánsia Epidemolojia, Iha loron 18/01.

Iha komunikadu ne’e esplika iha  fulan Dezembru 2021 kazu komesa aumenta ho total 225, maibe iha fulan janeiro 2021 kompara ho fulan Janeiro 2022 iha semana quarta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai. IhaMunisipiu Dili nafatin rejistu kazu ne’ebe a’as iha Primeira semana – Quarta Semana fulan Janeiro 2022, ho total 371 kazu. Hare ba kada loron kazu aumenta beibeik husi Munisípiu Dili.

“Idade mais afetadu mak husi idade menus husi 14 anos mai kraik ho grupu edade 5 -14 ho porsento 45,7% no idade 1-4 ho 34,0%. Ho ida ne’e Attack Rate (AR) idade 1-14 anos a nivel Nasionál ho 0.09%” dehan iha komunikadu ne’e.

Iha Komunikadu ne’e haktuir tan Posto Administrativu Dom Aleixo relata kazu a’as liu husi Posto administrativos hotu ho total 166 kazu iha primeira semana-Quarta semana Janeiro 2022, hafoin tuir husi Posto Aministrativu Cristo Rei 73 kazu, Nain-Feto 65 kazu no Vera-Cruz 64 kazu.

Komunikadu ne’e esplika tan kazu obitos husi tinan 2020 ho total 10, iha tinan 2021 ho total 11 obitos no iha primeira semana fulan Janeiro 2022 iha ona obitos nain 1 nebe’e relata husi Municipio Dili, no iha terceira semana relata kazu obitos nain 4 husi Municipio Ermera, nain 1 husi Ainaro no nain 1 husi Bobonaru no quarta semana relata obitos nain 2 husi Municipio Covalima ho ida ne’e total Case Fatality Rate nivel nasional ho 1,7%.

Iha Munisípiu Dili to’o ohin loron relata ona kazu 371 kazu no obito nain 1. Tuir kalendáriu epidemiolojia Tinan 2022, iha primeira semana fulan Janeiro Tinan 2022 Munisípiu Dili relata total 38 kazu no iha semana Segundo fulan Janeiro 2022 relata 160 kazu no iha Terceira semana relata ona 122 kazu no ohin quarta semana relata kazu ho total 51.

Nune’e to’o ohin loron quarta semana fulan Janeiro 2022 Posto administrativu Dom Alexo relata kazu total 166, hafoin Posto Administrativu Cristo Rei ho 73 kazu. no tuir kedan posto administrativu Nain Feto ho total kazu 65 no Vera-Cruz ho total kazu 64, ne’e hatudu katak kada dia kazu espalla nafatin ba iha posto administrativu sira seluk.

“Iha Dili ne’ebe mais afektado mak husi idade menus husi 14 anos mai kraik ho grupu edade 5-14 ho total 175 kazu no edade 1-4 ho total 143 kazu. Ho ida ne’e Attack Rate (AR) idade 1-14 anos Municipio Dili ho 0.29%,” tenik iha komunikadu.

Iha komunikadu ne’e dehan distribuisaun kazu dengue tuir klasifikasaun mak Dengue Fever (DF) ho total 320 kazu, Dengue Hemorrhagic Fever (DHF) ho total kazu 29 no Dengue Shock Syndrome (DSS) ho total kazu 22.

Nune’e Apela ba populasaun iha Dili laran no mós iha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira sente isin-manas, ka  Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here