Home Notisia Timoroan 73 Hosi Malaysia Ohin To’o Dili Ho Aviaun Malindo Airways

Timoroan 73 Hosi Malaysia Ohin To’o Dili Ho Aviaun Malindo Airways

285
0
Aviaun Malindo Airways iha Aero Porto Dili. [Foto: David da Costa | 18.04.2021]

Reportazen David da Cosya Gusmao*

Aviaun Malindo Airways ho marka SDN BHD ohin to’o ona iha aero portu Prezidente Nicolau Lobatu iha oras tuku 8:05 otl, tula timoroan nain 73  hosi Malaysa mai Timor-Leste.

Reprezentante ba ajensia viajen Malindo Airways, Pedro Carascalão hateten ekipa ne’ebe mak agora fasilita sidadaun nain 73 hosi aviaun  Malindo Airways ne’e kompostu husi timoroan hotu, ne’ebe oras ne’e dezenvolve hela  area setor aero nian. Timoroan hirak ne’ebe mak ohin mai ne’e, hosi Inglatera, Portugal, Korea do Sul, no Indonesia.

“Iha akontesementu iha loron 16 Abril ne’ebe aviaun la mai, ne’e laos sala husi aviaun nian, maibe ida ne’e sala husi ita nia parte, maibe ita konsege resolve ona”, dehan Pedro iha Aero Portu Nicolau Lobatu Dili, 18/04.

Nia esplika maioria mane inklui timoroan ida ne’ebe sai husi Timor-Leste ho aviaun Citilink  iha loron 30 Marsu atu ba Korea do Sul, maibe nia pasaporte validu hela deit fulan 8, entaun nia detein iha Malaysia. Imigrasaun Malaysia dehan loron 16 Abril timoroan ne’e sai, bainhira la sai tama kuarentina iha ne’eba, atu hein aviaun ida hodi deporta fali mai Timor-Leste.

“Tanba ne’e mak ita esforsu ho aviaun ne’e mai, atu nune’e alin ne’e labele hetan situasaun difisil iha ne’eba”, nia informa.

Nia salienta informasaun ne’ebe nia rona katak, timoroan nain 73 hakarak fila tanba sira nia familia sofre ba inundasaun, serka sanitaria no banku sira taka hotu. Entaun sira foti desizaun atu fila mai Timor hodi ajuda sira nia familia sira.

Nia hatutan tan, lolos ne’e sidadun estranjeiru ida mos tama mai  Timor-Leste, hodi asesoria ba membru governu balun, maibe momentu sai hosi Londres, seidauk iha aprovasaun.

Iha fatin hanesan Diretor Aero Dili, Lourenço Oliveira hateten aviaun Malindo Airways ne’ebe dahuluk mai iha Timor-Leste ne’e, hetan aprovasaun husi Ministeriu Negosiu Estranjeiru no Kooperasaun (MNEK), Ministeriu Transporte Komunikasaun (MTK) no Centru Integradu Jestaun krize (CIJK)

“Ami husu ba governu, dehan fo deit ba embaixada sira no mos parte governu nian, ne’e mak ohin rezultadu timoroan nain 73 to’o ona iha Timor, maske iha loron 16 Abril mos iha failansu balun”, dehan nia.

Tuir observasun Neon Metin iha tereinu nota katak, sidadaun  hirak ne’e tun husi aviaun, halo desinfekta ba sira, hafoin sai husi Aero Portu Niolau Lobatu, ekipa vijilansia lori kedas ba iha fatin kuarentina ne’ebe mak governu prepara ona.

Informasaun ne’ebe Neon Metin asesu, katak aviaun Malindo Airways sei fila ba Malaysia sei tula ema hamutuk nain 104, tanba balun lal iu teste Swab, entaun tula deit nain 90, hosi nain 90 kompostu hosi timoroan nain 10 no ema estranjeiru nain 80.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here