Home Notisia Apoiu Umanitaria Hosi AHP Hahu Aban Distribui Ba Komunidade Afetadu Hosi Inundasaun

Apoiu Umanitaria Hosi AHP Hahu Aban Distribui Ba Komunidade Afetadu Hosi Inundasaun

505
0
Konsorsiu AHP entrega sasan simbolikamente ba SEPS. [Foto: Oxfam Timor-Leste | 09.04.2021]

Reportazen Ekipa Neon Metin

Konsorsiu Australian Human Partnership (AHP) entrega ona sasan hodi responde emerjensia ba inundasaun ne’ebe foin lalais akontese iha loron 3-4 Abril no afeta makaas ba komunidade nia moris.

Hafoin konsorsiu AHP entrega ofisial sasan ka nesesidade inkluzivu ba Sekretaria Estadu Protesaun Sivil (SEPS), liu hosi entrevista ho jornalista sira, Sekretariu Estadu Protesaun Sivil, Eng. Joaquim José Gusmão dos Reis Martins hateten tulun hosi AHP hanesan hahan no laos ai-han lubuk ida hodi apoiu komunidade afetadu sira hosi inundasaun.

Sekretariu Estadu Joaquim hateten sasan hirak ne’e laos apoiu deit ba iha Dili, maibe sei haruka mos ba municipio sira, tanba dezastre naturais laos akontese deit iha Dili maibe mos iha municipio sira seluk inklui RAEO.

Konaba preokupasaun hosi komunidade afetadu sira ne’ebe hateten, depois de inundasaun akontese maibe apoiu emerjensia hosi governu sedauk fahe, karik sei fahe ona iha tempu badak? Ba Neon Metin Sekretariu Estadu Joaquim hatan katak governu responde tuir etapa.

“Premeiru kuandu akontese dezastre protesaun sivil nia papel, halo oinsa mak salva uluk lai vida, se bele salva mos bens komunidade nian, maibe ita konsentra liu ba komunidade nia vida, liu-liu ba sira ne’ebe mak vulneravel liu hanesan inan isin rua, ferik, katuas no labarik sira hodi lori ba centro evakuasaun no kontinua hahan no to’o loron 3 sira mos bele fila ba sira nia uma”, dehan Juaquim iha SEPS, Kaikoli 09/04.

Nia hatutan agora dadauk tama ona iha faze rekollamentus dadus ba komunidade afetadu sira. SEPS, Ministeriu Estatal, Ministeriu Solidariedade Sosial no Inkluzaun hamutuk ho parseiru humanitarian sira, hodi forma grupu 32, reprezenta suku 32 iha Dili hodi foti dadus ba estragus sira ne’ebe komunidade sira hetan.

“Hosi dadus ne’ebe iha ona komesa aban sei lori sasan apoiu komunidade sira. To’o ohin dadus ne’ebe tama ona hamutuk 17 mill uma kain, hosi dadus ne’e komesa aban hahu ona distribui apoiu ba komunidade afetadu sira”, dehan Juaquim

Nia informa tan sei kontinua faze rekuperasaun, hodi hare liu ba apoiu material konstrusaun ba sira.

Iha fatin hanesan Country Director Plan International no reprezentante konsoriu AHP, Diliana Ximenes ba jornalista sira hateten konsorsiu AHP hodi lori ajudus ho fuan, pakote ijieniku kompletu ba ona feto no mane sira no mos iha kulusaun ba familia sira hodi bele toba no fatin soe lixu.

“Ida nee ajudus simplis ne’ebe ami bele fo imediata maibe iha nafatin komitmentu, para atu suporta nafatin ita nia maluk sira, bazea rezultadu assessment ne’ebe agora dadauk halao hela”, dehan Diliana Ximenes.

Sasan sira ne’ebe apoiu ne’e parte hosi nesesidade inkluzivu? Ba Neon Metin Country Director Plan hatan katak sasan ne’ebe AHP apoiu nudar sasan ne’ebe inkluzivu katak apoiu ema difisiensia, ba feto sira, inan isin rua, maluk idozus sira tuir nesesidade ne’ebe mak sira iha.

Konsórsiu ONG sira husi Parseria Umanitária Australia nian (AHP – sigla Inglesh) hanesan (CARE Internasional iha Timor-Leste, Caritas Australia, Oxfam, World Vision no Plan International) fornese Kulsaun 100, terpal/lona 100, manta 1000, material dapur nian set 190, pakote hijiene 200, lisu fatin 30, estasaun fase-liman 30, spanduk hamriik nian ho mensazen konaba prevensaun COVID-19 hamutuk 30 no sabaun/sabonetes hamutuk kaixa 15 (2160 unidade mak iha laran)  ne’ebe finansia husi governu Australia.

Programa Parseria Humanitária Australia (AHP – Sigla Inglesh) nudar Responde ida ne’e mobilizadu liu husi mekanizmu Parseria Humanitária Australia nian (AHP) ne’ebé finansia husi Governu Australia no implementa husi konsórsiu ONG sira, inklui CARE Internasional iha Timor-Leste, Caritas Australia, Oxfam, PLAN and World Vision, organizasaun nasional ema ho defisiensia nian Ra’es Hadomi Timor oan (RHTO) no parseru lokal sira seluk.

Print Friendly, PDF & Email

LEAVE A REPLY

Please enter your comment!
Please enter your name here