Home Justisa JU,S Submete Rekursu Iha TDO Ba Kazu RD, Pena Tinan 12 La...

JU,S Submete Rekursu Iha TDO Ba Kazu RD, Pena Tinan 12 La Refleta Proporsionálidade Ba Kazu Abuzu Sexual

376
0
Tribunal Distrila Oe-cusse. [Foto: David | 20.12.2021]

Reportajen Zevonia Vieira

JU,S submete iha loron 6 Janeiru 2022 rekursu iha kazu RD no husu Tribunál Distrital Oe-cusse (TDO), atu tetu filafali pena tanba iha pozisaun katak pena ka kastigu tinan 12 kma’an liu haree prátika Tribunál rasik iha Timor-Leste no la reflete proporsionalidade ba kondenadu nia sala no prevensaun jerál ba abuzu seksuál  iha ita-nia sosiedade.

Iha komunikadu imprensa ne’ebe Neon Metin asesu, JU,S esplika katak JU,S hatene seidauk iha prátika iha Timor-Leste, atu submete rekursu iha lezadu nia naran, maibé tuir ami-nia interpretasaun, lei klaru – Kódigu Prosesu Penal no padraun direitu internasionál – katak iha situasaun balun vitima ka lezadu bele duni submete rekursu. Ami espera katak Tribunál Rekursu sei konsidera rekursu hosi lezada. Iha rai CPLP sira hotu lezada sempre iha kompeténsia hodi halo rekursu no iha Kódigu Prosesu Penál mós prevé kapasidade ba ema ne’ebé iha interese iha kazu atu halo rekursu. Lei iha Timor-Leste la limita rekursu iha kazu krime ba arguidu no Ministériu Públiku.

“Tuir ami-nia pozisaun, Tribunál la tetu ho loloos fatór oinoin atu determina proporsionalidade kastigu ka pena. Tribunál iha Oecusse fó folin maka’as liu ba otas hosi arguidu no nesesidade atu arguidu bele hetan resosializasaun filafali ba sosiedade, duké pena ne’ebé justu ba arguidu nia krime no proporsionál hodi hatudu prevensaun jerál ba abuzu seksuál hasoru menór”, esplika parte JU,S iha komunikadu imprensa

Tribunál oinoin iha Timor-Leste bainbain hatuur kastigu todan duni ba ema sira komete abuzu seksuál ba menór. Iha prátika tribunál, pena tinan 12 fó bainhira vítima ida de’it no komete krime ida ka rua.

Importante fó-hanoin katak Tribunál Oecusse konsidera provadu katak arguidu halo duni abuzu seksuál ba menór na’in 4 liuhusi koitu vajinál no/ka orál, ne’ebé komete durante besik tinan 10. Labarik ne’ebé inan-aman ka familia konfia ba arguidu hodi tau-matan ba no ikus arguidu uza labarik sira-nia vulnerabilidade hodi halo abuzu ba sira.

Print Friendly, PDF & Email

LEAVE A REPLY

Please enter your comment!
Please enter your name here