Reportajen Joanina Casemiro
Hodi komemora loron ba trajédia Balibo Five, Konsellu Impresa, Centro Chega hamutuk ho jornalista sira, realiza misa agradesimentu iha igreja Balibo, liu-liu ba jornalista nain 5 nebe hetan oho husi militár Indonesia iha loron 16 Outubro 1975, Max Stahl no jornalista timor oan sira nebe mos mate ba rai ida ne’e.
Iha homilia Pe. Aurun. E SVD iha selebrante misa hatete trajedia ne’e rezullta jornalista sira mate tanba defende lia los.
“Iha Leitura koalia kona-ba profeta Zeremias nian fiar iha tempu susar no terus, segundu leitura São Paulo fo agradese ba ema gresu tanba sira simu mensagen lia loos nian, katak Maromak haruka nia oan mane mesak ba mundu atu ba dame hamutuk ho nian, sira fiar hetan espiritu matenek no kbiit nian lolos, oinsa Jesus nian moris hanesan ita ema nia terus, mate iha Cruz no moris hias hosi mate, hanesan jornalista sira nain 5 mate iha 1975, tanba sira mate ba lia loos.” Pe. Aurun esplika
Nia hatutan Loron-loron jornalista sira hasoru problema iha mundu tomak, mate iha mundu tomak, tanba hanoin ba lia lo’os, mai ita brani hamrik ba lia lo’os .
Entretanto misa ne’e dirije hosi Pe. Aurun E kka SVD iha igreja Parokia Santo Antonio Balibo Munisipiu Bobonaro Postu Administrativu Balibo. Iha ambitu komemorasaun ba loron Balibo Five ba dala 47.
