Reportajen Joselina dos Santos
Sekretáriu Estadu Komunikasaun Sosál (SECOMS) halo abertura ba loron komemorasaun trajédia Balibo V inklui “Lansa Loron Nasional Liberdade Imprensa 2022 ba dala 47, iha eventu ne’e SECOMS husu jornalista sira hodi nafatin kontribui ba dezenvolvimentu demokrasia, no sai aútor ba sivilizasaun atu fó inspirasaun ba sidadaun sira liu husi pensamentu kritiku.
Iha diskursu Sekretáriu Estadu Komunikasaun Soaial (SECOMS), Meriço Juvinal dos Reis “AKARA” hatete media hanesan pillar importante iha prosesu demokratizasaun iha nasaun hotu tan ne’e media nia pápel importante ba ema hotu, nune’e tenke konsidera hodi fó espasu atu demokrasia nafatin buras no saudavel, no mos kontribui di’ak liu tan oinsa atu dezenvolvimentu kritiku ne’ebe hanesan fundamentu ba kna’ar jornalista no media sira nian.
“Tuir Ha’u nia hanoin pensamentu kritiku hanesan fundamentu importante ida atu Servisu nia media bele kontribui ba dezenvolvimentu demokrasia no aútor ba Sivilizasaun, tanba kna’ar hotu-hotu media sempre sai aútor importante iha kualker Sivilizasaun mudansa iha nasaun”, Dehan, Sekretariu Estadu Komunikasaun Soaial (SECOMS), Meriço Juvinal dos Reis “AKARA” Iha eventu Komemorasaun Balibo V, Postu-Administrativu Balibo, Munisipiu Bobonaro, 15/10.
SECOMS dehan governu sé de’it labele julga produtu media nian, tanba media halo tuir nia kna’ar atu ajuda ita nia nasaun hodi hetan sensibilizasaun umanu, sé ita hahu julga produtu jornalista nian neik-neik ita sei julga ema nia sentimentu, tanba ema kuandu hato’o nia liberdade emprensa ne’e hanesan provisional, maibe atu espresa sira nia sentimentu ne’ebe kle’an liu ne’e hanesan ema umanu.
“Ita bele foti ida ne’e sai hanesan kanál ida atu bele sai autór ba Sivilizasaun lalika tauk ba sé de’it manten ita nia independensia editórial, media tenke sai ajente ba Sivilizasaun iha ita nia rai iha fatin ne’ebe de’it tanba ita atu artikula pensamentu kritiku ema nian ne’e atu hadi’a ita nia rain”, nia informa.
Governante ne’e hatutan media mos tenke sai ajente edukador ba ema tanba media la’os sai instrumentu komunikasaun fontes nian, maibe tais mos lian sira ne’ebe ita rona no sai fontes ne’ebe edukativu atu transmite ita nia matenek ba sidadaun sira hodi sai matenek, entaun la’os profesores sira de’it mak sai edukador maibe media bele sai asume papel edukadór hodi inspira ema, no mos sai ajente ba dezenvolvimentu jornalizmu atu bele kontribui ba dezenvolvimentu rai laran.
