Home Notisia PDN nia Kampaña iha Dili: Iha Prioridade 10 Inklui Dezenvolvimentu Rural no...

PDN nia Kampaña iha Dili: Iha Prioridade 10 Inklui Dezenvolvimentu Rural no Turizmu

632
0
Prezidente PND, Lucas Colibere. [Foto: Umbe | 25.04.2023]

Reportajen Umbelina dos Reis

Partidu Dezenvolvimentu Nasional (PDN), ho númeru sorteiu 1, iha programa prioridade 10 ne’ebé mak sai importánsia, hodi halo dezenvolvimentu ba Timor-Leste wainhira, hetan fiar husi povu iha eleisaun lejislativa 2023.

“Iha ita nia Partidu ne’e tau prioridade liu ba agrikultura, saúde, edukasaun, turizmu, infrastrutura, dezenvolvimentu rural, juventude, kultura, setor privadu, habitasaun umana no mos servidor estadu nian. Programa hirak ne’e mak sai prioridade atu haree no hadi’a hodi halo dezenvolvimentu ba ita nia nasaun,” afirma Prezidente PDN Lucas Soares “Colibere” iha sede Partidu PDN, Vila Verde, 24/04.

Alende ne’e mós Prezidente PDN ne’e dehan, programa 10 ne’ebé mak sira iha ne’e tuir povu nia hakarak tanba ema hotu hakarak mate ba moris di’ak la’os mate ba grupu ida nia moris di’ak.

Partidu PDN legalmente harii iha 30 de Maiu 2009 ho nia ideolojia sosial demokrasia sentru ba dezenvolvimentu. PDN nia vizaun no misaun hanesan mak sosiedade ida demokratika ba lei, orden no prosperiedade atu defende estadu direitu demokrátiku no defende justisa ba ema hotu.

“Iha Partidu PDN, ita iha vizaun mak sosiedade ida demokrátika ba lei orden ho prosperiedade nomos ita nia misaun mak hanesan defende estadu direitu demokrátika, defende lei no orden, justisa ba ema hotu nomos harii sistema dezenvolvimentu ekonómiku ida reziliente no sustentável ba ema hotu,” dehan Prezidente Lucas Colibere.

Print Friendly, PDF & Email

LEAVE A REPLY

Please enter your comment!
Please enter your name here