Reportajen David da Costa
Estudante Universidade Nasionál Timor Lorosa’e (UNTL) halo blokeia ba orentasaun akademika ba estudante foun tinan 2023, tanba estudante foun balun seidauk rejistu, maibé Reitór UNTL halo despaxu katak estudante foun tenke halo orientasaun akadémika ba estudante foun, ho ida ne’e senadu sira konsidera UNTL halo diskriminasaun ba estudante foun sira.
Prezidente Senadu Jerál Estudante Universidade Nasionál Timor Lorosa’e (UNTL), Cristovão Mauto, hateten, ohin senadu sira iha UNTL blokeia ba orientasaun akademika ba estudante foun tinan 2023, tanba estrutura Universidade halo diskriminasaun ba estudante foun sira, tanba estudante balun seidauk rejistu maibé Reitór halo karta despaxu ida katak orientasaun akademkla tenke hahú ohin, ho ida ne’e sendadu sira halo blokeia ka hapara orentasaun akademika ne’e.
“Razaun saida maka ami dehan sira halo diskriminasaun, estudante barak seidauk selu hotu, maibé orientasaun hahú ona. Tanba tuir matadalan UNTL hateten katak orientasaun akademika ne’e direitu ida husi estudante foun sira, entaun tenke rejistu hotu maka halo orientasaun akademika,”dehan Prezidente Senadu Jerál UNTL, Cristovão ba Jornalista sira iha Kampus Central UNTL, segunda 13/03.
Nia haktuir, Estudante foun sira ne’e tama ho data hanesan no naran publika iha Ministériu Ensinu Superior Siénsia e Kultura (MESSK) hotu, maibé Reitór obriga estudante balun atu tuir orientasaun konforme tuir nia despaxu, no balun kontinua selu hela iha administrasaun, tanba ne’e maka senadu sira hotu lamenta ho desizaun ida ne’e.
“ho ida ne’e ami lamenta desizaun Reitór nian, ami hakarak estudante rejistu hotu maka halo orientasaun akademiku dala ida, para nune’e trata estudante hanesan, trata ema hotu ho dignu no trata ema hotu iha dalan ne’ebé loos ho di’ak”, dehan Cristovao
Nia dehan prinsipál Magnifiku Reitór no Vise Reitor no estrutura sira, laiha jestaun di’ak no mekanizmu, oinsá maka atu halo atendimentu ba estudante sira iha banku BNCTL iha UNTL central, no mos administrasaun akadémika nian. Tanba estudante sira mai sena malu, dudu malu, ate balun dezmaia , balun osan ho telefone lakon, maibe estrutura UNTL nein foti asaun ida atu rezolve problema sira ne’e.
Hatan ba preokupasaun ne’e, Magnifiku Reitór Universidade Nasionál Timor Lorosa’e (UNTL), João Soares Martins, hateten estudante foun sira tarde tiha ona, tanba tuir loloos sira tuir aula iha fulan Fevereiru nia laran, maibe prosesu selesaun tarde, entaun labele hahú orientasaun sedu, maibé ohin maka hahú halo orientasun. Ne’ebé husu ba senadu sira favór ida komprende, no ita boot sira nia ezijénsia estrutura UNTL simu, maibe abertura kontinua la’o no halo rezistrasaun ne’e kontinua.
Nia haktuir konaba kestaun se maka atu rejista ka la rejista ne’e laiha problema, se la tuir orientasaun tinan oin bele tuir, orientasaun akadémika laos obrigatóriu.
