Reportajen Joselina dos Santos
“Respeita no valoriza nia diferensia no ezistensia lori ba hakat naruk, konstrusaun sosial ida ne’ebe lori ba fiar oin-oin ne’ebe iha tendensia atu minimiza no diskrimina grupu sira iha sosiedade nia leet“. Carmeneza Monteiro
Sekretáriu Estadu Igualdade ba Inkluzaun (SEII) ho Komisaun Funsaun Publika (KFP) fo posse ba funsionáriu permanente na’in 17, feto na’in 8 mane na’in 9.
Liuhusi seremonia tomada de posse Komisaria Rekrutamentu no Dezenvolvimentu Kareira, iha Komisaun Funsaun Publika (KFP), Carmeneza Monteiro, fó korajem ba Funsionariu Permanente Sira katak nu’udar jerasaun kontinuadór ba mehi heroi sira nian, tenke servisu ho obdese tanba funsionariu sira nia susesu mak instituisaun nia susesu nomós povu nia susesu, nune’e hakat ba oin kabe kakutak atu kontinua konkista no demostra kualidade no kontinua sertifika-aan iha funsaun ne’ebé sei hala’o ba ne’e.
Komisaria Rekrutamentu no Dezenvolvimentu Kareira, Carmeneza Monteiro haktuir, Selebra progresu no susesu iha funsionamentu publiku liu-husi seremonia tomada de posse ba pozisaun sira hanesan tekniku profisional grau C no D, Tekniku Administrativu grau E no Asistente grau F hamutuk na’in 17 ne’e iha sistema rekursu umanu liu-liu esforsu atu asegura ema hotu iha oportunidade no asesu hanesan ba vaga sira ne’ebe disponivel iha Instituisaun estadu liu-husi prosesu selesaun por meritu ne’ebe idak-idak aplika ba.
“Profisionalismu no integridade ekipa selesaun juri ne’ebe fasilita prosesu tomak ho rigorosu no dirijente hodi lori ita mai to’o iha konfirmasaun emposadu sira no rona sira nia kompromisu hodi simu papel foun nu’udar funsionariu publiku, orgullu sai sasin ba emposandu sira ne’ebe ohin hato’o ona kompromisu atu dedika aan ba prestasaun servisu publika exselente ba Timor-oan hotu liu-liu iha área igualdade Inkluzaun”, Dehan nia.
Nia salienta, funsionariu sira hili atu haknaar-an iha Instituisaun ne’ebé kaer mandatu importante tebes, asegura igualdade no Inkluzaun, liuhusiema idak-idak iha oportunidade,hanesan atu foti vantajen tomak husi sira nia moris,no sira talentu sem haree ba rasa, jéneru, estatutu sosial tanba funsionariu sira ne’e mak sei asegura katak ema idak-idak nia valor hetan rekoñesimentu no respeitu hanesan.
“Servisu Instituisaun ida ne’e todan tebes tanba natureza umanu iha kontrusaun sosiedade fiar ne’ebe dalaruma iha tendensia atu minimiza seluk maske hatene katak respeita no valoriza nia diferensia no ezistensia lori ba hakat naruk, konstrusaun sosial ida ne’ebe lori ba fiar oin-oin ne’ebe iha tendensia atu minimiza no diskrimina grupu sira iha sosiedade nia leet hanesan grupu ema ho difisiensia, no grupu sira ne’ebe hili orientasaun seksual seluk la’os feto ka la’os mane, ka entre feto no mane riku ho kiak, rasa no Kultura”, nia haktuir.
