Reportajen Joselina dos Santos
Jornal Diariu Indepedente sei la autoriza no larespeita tan ba karta notifikasaun husi autoridade Seguransa sira tanba latuir lei komunikasaun sosial, loloos liu husi prosesu normal no Iha konsiénsia rasik buat hotu kumpri ba lei espesifiku, labele kriminaliza tanba jornalista la halo krime, ne’e kazu sivil entrga ba iha lei komunikasaun sosial atu rezolve halo mediasaun ba Konsellu Imprensa ikus mak buka solusaun atu rezolve.
Diretór Jornal Diariu Indepedente, José Sarito Amaral, Hatete, oportunidade husi kazu dahuluk ne’ebe Polisia Cientifika Investigasaun Criminal (PCIC), halo karta Notifikasaun hasoru Jornal Diariu Indepedente no xefi redasaun Jorgino dos Santos no Jornalista Domingos Gomes ne’ebe ohin ne’e halo inkeritu, maibé karta ne’e sala kamara nafatin, loloos karta ne’e laos ba jornal Diariu Indepeden tanba prefere ba individu mak depois to’o iha inkeritu mak husu fali obra jornalistika ne’e Instituisaun nia programa tanba karik ko’alia kona-ba Instituisaun responsabilidade maximu ne’e, Diretór no Xefi Redasaun maka responsabilidade maximu ba kazu ne’e.
“PCIC sira privatiza kazu Instituisaun ne’e ba individu atu hafasil sira bele hodi bele halo inkeritu ba ha’u nia jornalista, nune’e ha’u la simu tanba halo manobrasaun ida atu hamate liberdade imprensa no liberdade espresaun iha Timor, Bainhira kestiona kona-ba obra jornalistika ami sei lakolia buat ida maibé ami submete ba iha Lei Komunikasaun Sosial no sei kaer metin artigu 19 katak sei lakoalia sai buat ne’ebe ami lahatene maibé ami hatene só defende ba tribunal”, Dehan Diretór Jornal Diaru Indepeden ba jornalista sira iha edifisiu PCIC iha kolmera, Sexta 22/12.
Nia haktuir, kazu ida ne’e Liga ba artigu 34 katak karik iha notísia ka publikasaun naksalak no fó insatisfaz ba publiku ne’e lei hatete katak sira iha direitu resposta no bele halo ratifikasaun maibé até agora jornal Diariu Indepeden seidauk hetan kontaktu atu sira bele halo rekruta no fó sira nia direitu resposta no manten nafatin Pozisaun.
“Ami hatene ona konteudu husi karta ne’e hanesan ohin inkeritu katak liga ba obra jornalistika nian, tanba ne’e inkeritu tuir mai ami sei lasubmete no lamai ita hein malu iha tribunal atu nune’e bele rezolve ikus ona ba PCIC tanba sira liga ba obra jornalistika, Ami sei larespeita inkeritu ne’e tanba latuir lei komunikasaun sosial”, nia informa.
