Reportajen Cresencia & Zemila
Komisaun Nasional Organizasaun Nasaun Unida ba Edukasaun Siénsia no Kulturál (UNESCO, Sigla Ingles), realiza forum Edukasaun Tranformativa inklui lansamentu livru istória formasaun hamutuk ho Governo Liu husi Ministériu Edukasaun (ME) no Sentru Nasional Chega (CNC, I.P, Sigla Portuges) ho tema kualidade edukasaun ba sustentabilidade pas iha Timor-Leste iha Salaun City 8, Manleuana.
Diretór Unesco iha Jakarta, Maki Katsuno, hatete, fórum edukasaun transformativa, eventu ida ne’ebé dedika ba imajina futuru edukasionál ida ne’ebé maka responsivu no reziliente ida ne’ebé maka sei apoia aspirasaun sidadaun Timor-Leste nian ba pás no progresu ne’ebé sustentável.
“Ohin ita halibur hamutuk iha ne’e ho tema “Edukasaun ho Kualidade ba Paz Sustentavel iha Timor-Leste,” ne’e ita hetan bolu atu reflete kona-ba ita-nia progresu, identifika dezafiu xave sira, no trasa dalan vizionáriu ida ba edukasaun transformadora”, dehan diretór Unesco, Maki iha salaun City8, Manleu, Kinta (12/12).
