Home Notisia Adolsente no Foinsa’e 80% Sente Pandemia COVID-19 Muda Sira nia Moris

Adolsente no Foinsa’e 80% Sente Pandemia COVID-19 Muda Sira nia Moris

403
0
Diretor Geral Komisaun Direitu Labarik, Teresa Maria Freitas. [Foto: Adalgisa Pereira | 04.03.2021]

Reportazen Adalgisa Pereira

Peskiza husi Komisaun Direitu Labarik (CDC sigla Portugues) hamutuk ho Fundu Nasoins Unidas ba Labarik (UNICEF, sigla Inglés) ne’ebe halo peskiza liu husi online iha fulan Outubru no Novembru 2020  iha adolosensia no foinsae 80% mak  sente durante pandemeia COVID-19 bele muda sira nia moris.

Iha komunikadu imprensa ne’ebe Neon Metin asesu katak respondente 400 liu entre idade 10-24 ne’ebe mak hatan ba peskiza online no sira ne’e husi munisipiu 13 maibe 51% husi Dili. Feto 55% no ema ho difisiensia 7%, husi peskiza ne’ebe halo respondente estudante hamutuk 85%, barak liu husi universidade no eskola sekundaria, 39% difisiI fila fali ba eskola, no barak liu mak sira ho difisiensia. Ida ne’e la bazeia ba amostra reprezentativu sira tanba ne’e Ia bele jeneraliza ba populasaun hotu iha Timor-Leste nia adolesente no foinsa’e sira.

Reprezentante UNICEF iha Timor-Leste, Scott whoolery agradese ba adolosente no foinsa’e  sira ne’ebe mak fo ona nia tempu, hodi hatan ba perguntas sira ne’e mak sira halo no UNICEF kontinua apoiu governu Timor-Leste

“Ami hakarak agradrese tebes ba adolosente no foinsa’e  sira ne’ebe mak fo nia tempu hodi hatan ba perguntas ne’ebe mak ami halo peskiza  no oinsa atu lori lia ba ema hotu atu rona no UNICEF sei kontinua  nafatin parseiria no servisu hamutuk ho  governu Timor-Leste oinsa para bele promove nafatin prevensaun sira ne’e no UNICEF mos apoiu nafatin governu Timor-Leste atu haree fali planu ne’e ba oin nee oinsa bele timoroan sira ne’e hetan vazina ba covid19 nee nia iha tinan ida nee no mos tinan oin,” dehan Scott Whoolery iha Xanana Reading Room Lecidere 03/04

Iha fatin hanesan Diretor Geral Komisaun Direitu Labarik, Teresa Maria Freitas hateten sira nafatin halo sosializasaun ba governu, liu husi Ministeriu Edukasaun atu foti medidadas ida nune’e labarik sira labele sai vitima ba moras ida ne’e.

“Komisaun nafatin halo sosializasaun no sensibilisazaun ba Ministeriu sira liuliu Edukasaun nian, tamba komisaun rasik mos envolve iha pilar segundo oinsa halo prevensaun ba parte edukasaun, espera katak governu liu husi Ministeriu Edukasaun foti medidas ne’ebe mak adekuadu, atu nune’e labarik sira labele sai vitima fali ba moras ida ne’e no mos papel komisaun nian serbisu hamutuk ho UNICEF no Ministeriu Saude, oinsa halo prevensaun ba parte hotu liuliu labarik sira”, dehan Direktor Geral Komisaun Direitu Labarik.

Komisaun ne’e mos hato’o katak sira seidauk iha dadus labarik sira ne’ebe mak afetadu, maibe liu husi survey ne’ebe mak joven sira halo, ne’e sai hanesan baze legal no referensia, bele foti sai hanesan materia ida ba oin halo prevensaun liga ho COVID-19.

Print Friendly, PDF & Email

LEAVE A REPLY

Please enter your comment!
Please enter your name here