Home Notisia Kontinua Tama Ilegal, Lere: Governu Tenke Fo Sansaun Tan Viola Lei

Kontinua Tama Ilegal, Lere: Governu Tenke Fo Sansaun Tan Viola Lei

607
0
Xefe Estadu Maior Jeneral F-FDTL, Maijor Jeneral Lere Anan Timur. [Foto: Santina Lucia da Costa | 09.09.2020]

Reportazen Santina Lucia da Costa

Relasiona ho situasaun ne’ebe akontese iha fronteira ne’ebe akontese movimentu illegal tama sai, ba jornalista sira Xefe Estadu Maior Jeneral F-FDTL, Maijor Jeneral Lere Anan Timur, hafoin halo enkontru regular ho Prezidente Republika, Dr.Francisco Guterres Lu-Olo, informa situasaun rai laran, liu-liu ba sidadaun sira ne’ebe tama sai ilegalmente mai territoriu nasional.

“Hau mai hasoru ho Prezidente Republika informa situasaun rai laran ninian, situasaun fronteira, ema tama ilegal ne’e kuaze lor-loron, tanba ita nia fronteira ne’eba ne’e luan, sira ne’ebe arte marsiais ba hasae nia fita, viola bebeik, maibe ita nia Forsa sira iha ne’eba, UPF ne’eba ne’e, kaer balun no balun halai fila”, dehan Xefe Estadu Maior Jeneral F-FDTL, iha Palasiu Prezidensial, Nicolau Lobato, 9/09.

Xefe Estadu Maior Jeneral preokupa tebes bazeia ba numeru sidadaun sira ne’ebe tama sai ilegal husi fronteira terestre. Tuir Lere katak membru Arte Marsiais sira ne’ebe tama sai ilegalmente mai territoriu nasional, presiza hetan sansaun laos tama de’it kuarentena obrigatoriu.

“Ne’e mak hau hateten ba Prezidente Republika, sira ne’ebe kaer ona mai tama Kuarentena ne’e, labele Kuarentena husik de’it, tenki mos fo sansaun, sansaun tanba viola liña fronteira nian, por ezemplu foin dadauk sira kuaze 50 ka 60 resin, sira tenta atu tama husi dalan ilegal, maibe ita nia Forsa ho UPF kaer ema 10 resin ka kuaze 20, no sira restu ne’e halai fila, sira ne’ebe mak mai agora iha ona kuarentena, tanba numeru kazu konfirmadu Covid-19 aumenta ba beibeik iha nasaun viziñu Indonezia”, hateten, Maijor Jeneral Lere Anan Timur.

Lere dehan agora sira kuarentena hotu ne’e, sira fila ba uma ka governu toma sansaun, governu tenke haree ida ne’e.

Entretantu Xefe  Estadu Maior Jeneral mos informa ba Prezidente Republika kona-ba situasaun iha Laga no Baguia, ne’ebe lor-loron sunu malu hela de’it no populasaun barak mak trauma.

“Ema sira funu na’in mak lor-loron sunu malu hela de’it, hau to’o iha ne’eba haree ita nia populasaun sira iha ne’eba mos trauma tauk, hanesan tempu Indonezia nian, agora funu hotu mos ita sei tauk. Husi Baguia ninian,” informa Lere.

Lere hatutan populasaun sira iha ne’eba husu para atu koloka F-FDTL interven hodi mantein seguransa iha parte Laga no Baguia ne’ebe mosu violensia beibeik, maibe ne’e sei haree, koalia ho Komandante PNTL, tanba PNTL mak iha knaar tau matan ba seguransa interna, maibe F-FDTL sei nafatin koopera ho entidade relevante. koloka Forsa ne’e, laos permanente, ne’e provizorio, para bele asegura populasaun, fo mos brani ba sira serbisu atu halo sira nia toos ho natar.

Print Friendly, PDF & Email

LEAVE A REPLY

Please enter your comment!
Please enter your name here