Home Meio Ambiente Jornalista Sira Simu Sertifikadu Hosi Formasaun Konaba Salva Ambiente

Jornalista Sira Simu Sertifikadu Hosi Formasaun Konaba Salva Ambiente

109
0
jornalista sira simu sertifikadu depois de turi formasaun konab salva ambeintal iha Hotel Timor. [Foto: Santina Lucia Da Costa | 12.10.2019]

Reportazen Santina Lucia Da Costa

Editor Zevonia Vieira

Konselho Imprensa servisu hamutuk ho UNDP no Sekretariu Estadu Ambiente [SEA], fahe sertifikadu ba jornalista sira ne’ebe tuir ona formasaun konaba salva ambiente durante loron haat.

Tuir Konsellu Imprensa Konselleru, José Maria Ximenes katak formasaun loron haat ne’e lao ho susesu, tanba ne’e formasaun ne’e sei bele futuru mai prolonga tan tempu, tanba jornalista sira atu hakerek ba ambiental sei limitadu tebes.

Konselleru Jose Ximenes ho esperansa boot katak, partisipante sira bele haklean liu tan saida mak ambiente, atu nune’e sira bele aplika fali ba iha sira nia media ne’ebe sira servisu ba, nune’e media sira bele fó hanoin hamutuk, atu nune’e postura iha sira nia media, normalmente ambiental ne’e importante tebes ba nasaun ida ne’ebe foin harii, preokupasaun tanba ita lahatene ninia ampaktu ne’e saida.

Iha fatin hanesan, Diretór Poluisaun Meiu Ambiental, Nelson Madeira hateten, nia apresia tebes programa husi UNDP servisu hamutuk ho konsellu Imprensa atu eleva koñesimentu jornalista sira, kona-ba ambiente nian.

Nune’e mós partisipante jornalista husi G-RTV, Teotonio Alves Pinto katak, nia tuir formasaun jornalizmu ambiental nia senti orrgulu, tanba hetan tan esperiensia foun ida.

“Hau senti kontenti tanba mai hetan esperiensia hosi orador balun ne’ebé mai ho area diferensa, balun husi akademista, no ambiental rasik fahe formasaun kona-ba oinsa mak jornalista sira ba kobertura iha meiu ambiente ninian”, katak Partisipante Jornalista G-RTV Teotonio Alves Pinto.

Partisipante ne’e mos hateten durante loron haat ne’e, nia aprende kona-ba, oinsa halo prevensaun no protesaun ba meiu ambiente, oinsa labele soe lixu arbiru iha fatin publiku, para labele fó impaktu negativu ba komunidade.

Maske nune Teotonia rekonnese katak formasaun loron haat la dun sufsiente, tanba atu aprende material ida liu hosi prosesu ida, tanba ne’e mak ba formasaun kontinuasaun karik tenki semana rua ka tolu para aumenta konesimentu diak liu tan.

Teotonio rekomenda ba UNDP, SEA no KI atu halo planu ne’ebé diak liu tan, atu kontinua treinamentu refere, atu nune’e fó hanoin no haklean koñesimentu nafatin ba jornalista sira, oinsa atu halo kobertura iha meiu ambiente ninian, oinsa atu eduka no informa ba ita nia sosiedade sira soe lixu no kuidadu ita nia ambiente.

LEAVE A REPLY

Please enter your comment!
Please enter your name here