Home Meio Ambiente Jardim B.J Habibie Nakonu Ho Lixu, Zacarias: Vizitantes Sedauk Iha Konsiensia

Jardim B.J Habibie Nakonu Ho Lixu, Zacarias: Vizitantes Sedauk Iha Konsiensia

202
0
Lixu namkari iha jardim B.J Habibie. [Foto: Francisco Jose De Almeida | 12.10.2019]

“Ita la bele depende ba Lei, maibe husu ema hotu nia konsensia ne’ebe mai iha Dili, aproveita fasilidade ne’ebe governo prepara, iha fuan boot tenke kuidadu fatin refere”. Zacarias

Jardim fatin alternativa ida ba ema sira, liu-liu labarik kiik sira, hodi passa sira nia tempu livre hodi haksolo no halimar. Jardim mak nudar fatin publiku ida ba ema hotu, atu esperesa sira nia kontente, maibe oinsa mak ema hotu bele protejeze jardim ida hosi lixu?

Jardim B.J Habibie, nudar fatin ida ne’ebe mak comunidade sira, liu-liu labarik sira hili, atu passa sira nia tempu, maibe jardim ne’e la sai furak tanba lixu oin-oin ne’ebe namkari iha fatin refere.

Jardim ne’ebe foin inagura iha fuan kotuk liuba, nia furak komesa mihis no sai fatin foer tanba konsiensia hosi ema ne’ebe mak sedauk iha hodi tau lixu iha nia fatin.

Bainhira jornalista sira hasoru malu ho Prezidente Autoridade Lokal Municipio Dili, Zacarias Smith informa ba komunidade sira, atu iha konsiensia, hodi labele soe lixu arbiru

“Ita husu konsensia, nune’e ema hotu ba vizita fatin ne’e han karik buat ruma, hemu karik tau iha palstiku diak liu, lori ho bainhira hetan fatin foer nia hafoin soe, labele soe foer tuir ita nia hakarak tamba fatin refere laos soe foer nian” Tenik Zacarias

Zacarias konfesa katak governo kria lixeiro, maibe ema nafatin soe lixu la ho konsensia iha fatin hotu, maske Lei espesifiku seidauk iha, tanba ne’e seidauk bele fo sansaun ba ema ruma ne’ebe soe foer arbiru

“Ita la bele depende ba Lei, maibe husu ema hotu nia konsensia ne’ebe mai iha Dili, aproveita fasilidade ne’ebe governo prepara, iha fuan boot tenke kuidadu fatin refere”, tenik Zacarias

Prezidente Autoridade ne’e mos informa katak, Municipio Dili iha responsabilidade moral hodi halo limpeza nafatin, maibe ema nafatin soe lixo tuir hakarak rasik no seidauk iha konsensia ne’ebe diak, nune’e bele tau lixo iha nia fatin , nune sidade Dili bele sai mos no furak ema hotu nia matan

Sorin seluk Sosiedade Civil Divisaun Programa Haforsa Kapasidade, Manuel Simeao hateten katak komunidade sira ne’ebe vizita jardin presiza kontribui ba fatin lixo ne’ebe governo prepara tiha ona, hodi nune sidade bele moos nafatin.

“Presiza sidadaun sira nia konsensia moral, nune’e bele kontribui tamba wainhira ita soe foer la tuir nia fatin hanesan lata no plastiku soe tuir mota, bele estraga ambiente tasi nian, maske governo liu-liu Meio Ambiente halo sosializasaun dala barak ona”, konfesa Manuel ba jornalista sira

Hare ba lixo ne’ebe namkari iha jardin B.J Habibie jornalista sira mos koko dada lia ho vizitante Alberto Guteres, nia sente triste tebes tanba hare ba situasaun jardin refere nakonu ho lixu, husu atu ema hotu ne’ebe vizita fatin refere presiza iha konsensia moral, nune’e bele soe lixo iha nia fatin

“Hau sente triste tebes hare ba fatin furak ida ne’e ema soe foer la tuir nia fatin, hanesan plastiku no lata, tuir lolos ida ne’e responsabilidade vizitante sira, nune’e bele soe foer hotu ne’ebe mak konsumu iha nia fatin”, tenik Alberto

LEAVE A REPLY

Please enter your comment!
Please enter your name here