Home Notisia Embaixada Xina Oferese Makina Purifikadora (hamoos ar) Ba PR

Embaixada Xina Oferese Makina Purifikadora (hamoos ar) Ba PR

136
0
Embaixada Xina oferese makina purifikasaun ba Palasio prezidensia. [Foto: Santina Lucia da Costa | 09.09.2020]

Reportazen Santina Lucia da Costa

Konseleiru Embaixada Xina iha Timor-Leste, Geng Xiewei oferese Makina Purifikasaun Ar rua ba Prezidensial Republika, atu purifika hamoos ema nia ar, ba fatin ka sala sira ne’ebe semrpre iha ema barak.

Ba Jornalista sira Diretor Geral Prezidensial Republika, Domingos Amaral hateten embaixada Xina oferese makina purifikadora rua, makina purifikadora de ar ne’e signifika ne’e saida?, ita haree iha loron 7 Septembru 2020, Nosõens Unidas fo sai ona loron Internasional de Ar Puru, ida ne’e mos purkonsedensia Embaixada Xina, oferese makina rua mai iha Prezidensia Republika, atu purifika hamoos ita nia ar ne’ebe mak iha sala laran ka fatin ne’ebe de’it hodi halo moos.

“Ami senti kontenti teb-tebes hetan makina rua ne’e, para tau ida iha sala ida ne’ebe mak jornalista sira sempre mai beibeik, bainhira ita halibur malu, ida-idak nia iis lahanesan, balun saudavel no balun la saudavel, ne’ebe kuandu iis ne’e sai mai, makina ne’e bele purifika moos”, hateten Diretor Geral Prezidensial Republika, Domingos Amaral iha Palasiu Prezidensial, 9/09.

Domingos Amaral dehan makina ne’e atu purifika la haree atu Virus Corona fali ka kualker virus moras seluk mos nia dada.

“Makina ne’e, foin primeira vez mai iha Timor no Prezidensial Republika mak hetan uluk, agora dadaun uza ona”, dehan Diretor Geral Prezidensial Republika.

Iha fatin hanesan Konseleiru Embaixada Xina, Geng Xiewei hateten doasaun makina purifikasaun ne’e, hanesan kontinuasaun husi apoiu sira ne’ebe governu Xina oferese ba Prezidensi Republika no ba povu Timor-Leste, iha esforsu hamutuk ne’ebe nasaun rua hala’o, hodi halo prevensaun ba COVID-19.

Geng Xiewei realsa tan katak governu Xina kompromete fo nafatin apoiu ba Timor-Leste iha momentu ne’ebe de’it, estadu Timor-Leste presiza no kongratula Timor-Leste ba susesu, hodi halo prevensaun ba propagasaun surtu COVID-19 iha Timor-Leste.

“Ami senti kontenti tanba ajuda ne’ebe fo mai Timor-Leste laos mai ida ne’e de’it, bainhira kuandu sira seluk presiza, ami sempre fo nafatin no fo tulun nafatin”, dehan Geng Xiewei.

LEAVE A REPLY

Please enter your comment!
Please enter your name here