Home Notisia FMTL Husu Adjuntu PSIC Hatudu Faktus, Iha Tendensia Ba Violasaun Direitus Umanus

FMTL Husu Adjuntu PSIC Hatudu Faktus, Iha Tendensia Ba Violasaun Direitus Umanus

575
0
FMTL halo konferensia imprensa. [Foto: David da Costa | 11.08.2020]

Reportazen David da Costa Gusmao

Relasiona ho deklarasaun adjuntu PSIC ne’ebe  publika iha RTTL.ep iha segementu 7 minutu, tuir Front Mahasiswa Timor-Leste (FMTL) la bazea ba faktus lolos, atetude ne’ebe hatudu husi adjuntu PSIC ho nia membru iha tendensia ba violasaun diretus umanus no hanesan iha tempu okupasaun indonesia ne’ebe koñesidu ho SGI sira halo ba juventude rejistensia, atinje sira nia objestivu husi prosesu investigasaun.

Porta voz Font Mahasiswa Timor­-Leste (FMTL), Guerson Ribeiro dehan deklarasaun ne’ebe adjuntu PSIC, Adino Cabral iha segementu 7 minutu iha RTTL.Ep,  08 Agustu ne’e lalos no falsu, tamba deklarasaun adjuntu PSIC hateten katak “ami mosu derepente iha ministeru justisa, hodi halo preturbasaun ba funsionamentu servisu iha MJ ne’e lalos no ami dezafia Adino N. Cabral atu hatudu faktus”.

“ami mós deskorda numeru ne’ebe temi husi Adjuntu PSIC dehan katak ami iha hamtuk rua nolu (20) resin ne’e lalos no falsu, lolos ne’e ami nain sanolu resintolu (13) feto rua inklu jornalista nain ida”, hateten porta voz bainhira halo komunikadu imprensa iha kampos Faspol Untl, Tersa-feira 11/08/20.

Nia subliña intesaun ba Ministeru Justisa ne’e atu hasoru malu ho xefe Gabinete Ministeriu Justisa nian, relasiona ho karta akta konkordansia ne’ebe mak  hatama ona iha loron 3 Agostu 2020, hodi husu audensia ho Ministeru Manuel Carceres, nune’e iha loron 4 Agostu 2020 tuku 15.30, hamtuk ho Polisia Nasiona Timor-Leste PNTL hodi halo akompañamentu sira ba Ministeru Justisa.

Iha atuasaun adjuntu PSIC ho nia membru sira nakonu  ho intimidasaun no interoga sira hanesan kriminozu ida no atendimentu ne’e ezeradu liu.

“Ami mós  atu dehan ba publiku katak, intervensaun PSIC nian kontrariu ho nia papel no funsaun PSIC nian, tanba PSIC nia servisu makaas, roinsa prevene krime organizadu ka komplexu. Front Mahasiswa Timor-Leste nia pozisaun katak ami laos  kriminozu, no ami nia asaun ne’e pasifiku no hetan legalidade husi lei no rekoñesementu husi Polisia Nasiona Timor-Leste” nia informa

FMTL nia pozisaun iha edifisiu Ministeriu Jusitsa iha intensaun atu follow up karta audensia ne’ebe antes hatama ba Ministeriu Justisa, atu hapara esbosu lei kriminaliza defamasaun, liu husi dalan pasifiku laos hanesan Adino N. Cabral koalia ne’e.

Nia haforsa tan se ne’e orientasaun Ministeru nian mak sira deskonfia Manuel  Caceres tenta politiza funsaun PSIC nian, hodi asegura politika fasista ne’ebe nia prepara nu’udar traisaun ba demokrasia.

“Ami kondena makaas atuasaun estrutura PSIC  ba ami Front Mahasiswa Timor-Leste nu’udar asaun violasaun diretus umanus ne’ebe pratika husi Polori ka SGI iha tempu okupasaun ilegal hasoru jovens rejistensia”, hatetn Guerson

Nia argumenta tan katak CCTV, audio gravasaun no video gravasaun  ne’ebe iha prosesu interogatoriu PSIC  halo ne’e mak dalan uniku atu justifika adjuntu PSIC Adino Cabral bosok Publiku, ne’ebe nakanu ho lohidor, bobar lia no mafia. Tanba ne’e FMTL sadik Adino Cabral kovarde (Munafik) atu hatudu faktus refere tanba altura ne’ebá reprejentante FMTL ba audensia parte PSIC sita hotu Telefone no durante prosesu sorumutu ho parte PSIC labele halo gravasaun no fotograia ruma.

FMTL husu ba Primeru Ministeru atu foti medidas, hodi demite imdiatu ba Adino N. Cabral tanba lalaok ne’ebe nia halo la respeitu konstituisaun no lei sira, nune’e mós husu ba Ministeru Publiku atu halo investigasaun ba funsionariu inklui membru PSIC ne’ebe pratika atetude la umanu, hasoru manefestante sira nia reprezentante iha edifisiu Ministeru Justisa.

Bainhira nutisa ne’e sae, Neon Metin sedauk halo konfirmasaun ho Adjunto PSIC Adino Cabral, sei halo konfirmasaun iha tempu badak.

LEAVE A REPLY

Please enter your comment!
Please enter your name here