Home Notisia Ramos Horta: Tinan Ida Ne’e, Rai Balun Iha Europa Bele Simu...

Ramos Horta: Tinan Ida Ne’e, Rai Balun Iha Europa Bele Simu Traballadór Timor-Leste

418
0
Prezidente Republika Dr. Jose Ramos Horta. [Foto: Media PR | 02.05.2023]

Reportajen David da Costa

Prezidente Repúblika (PR), Dr. José Ramos-Horta hateten, tinan ida ne’e ka tinan foun mai iha rai balun iha nasaun Europa sei simu traballadór Timoroan sira bele ba servisu iha iha ne’ebá, maibé buat ida ejize maka tenke hatene lingua inglhes no iha tékniku professional ne’ebé tuir standar internasionál.

“Tinan ida ne’e ka tinan foun mai, rai balun Europa bele simu traballadór-Timor Leste, ha’u mak hateten atu simu, bele ka la’e konforme governu foun mai halo negosiasaun maibé buat ida ejize língua diploma tékniku profesionál ne’ebé standar internasionál,” dehan Prezidente Republika Ramos-Horta, bainhira partesipa iha komorasaun  Loron Mundial traballadó iha Largo Lesidere, Segunda 01/05.

Alende ne’e mós, nia haksolok no komprimentu ba traballadór sira hotu-hotu traballadór privadu no traballadór estadu, no mós ba emprezáriu sira hotu-hotu ne’ebé fó servisu ba traballadór sira. Klaru bele iha traballadór, laiha emprezáriu, tanba hanesan traballadór indepedente, nia halo atividade mesak, maibé laiha rai ida ne’ebé xefe estadu koñese iha mundu rai ne’e bele ba oin, se la iha emprezáriu ne’ebé livre, se la’ós kontrolladu husi estadu.

Emprezáriu ne’ebé ho nia kreatividade, nia matenek, nia osan, nia investimentu, loke fábrika, Hotel, balun halo konstrusaun, tanba estadu direitamente labele kria fali, hanoin edifísiu ruma tenke bolu emprezáriu. Purtantu, parseiru ba traballadór sira, parseiru estadu mak emprezáriu privadu, iha rai balun ne’ebé estadu kontrolla ekonómia estadu, ekonómia la la’o ba oin.

“Ita haree esperénsia iha mundu ho empreza livre entre ema traballadór oin-oin la’ós de’it traballadór foti fatuk, nahe sementi, traballadór kategória hotu-hotu mak bele hamutuk dezenvolve rai ida,” Horta esplika.

Nune’e mós xefe estadu hato’o  mensajen ba traballadór sira hotu katak,  direitu ejize responsablidade, disiplina se la’e ekonómia mate, iha Timor mak falta edukasaun seidauk di’ak.

Print Friendly, PDF & Email

LEAVE A REPLY

Please enter your comment!
Please enter your name here