Home Notisia Rezultadu Asesmentu Maioria Populasaun Simu Informasaun Covid-19 no Iha Konsiensia Prevene-an

Rezultadu Asesmentu Maioria Populasaun Simu Informasaun Covid-19 no Iha Konsiensia Prevene-an

401
0
Ilustrasaun ba imunidade kontra virus Corona. [Foto: Copyright Pinter Resep | 13.04.2020]

Reportazen Zevonia Vieira

Moras surtu Covid-19 ne’ebe halo ema barak tauk no preokupa, bainhira komesa afeta mai ona Timor no rezultadu kazu positivu nain 24 no provavel nain 4, liu hosi Organizasaun Mundial Saude (OMS) no Ministeriu Saude hasai protokulu ida ba hodi ema idak-idak kumpri, hodi preven an hosi moras virus Corona.

Liu hosi asesmentu rapidu ne’ebe mak Ministeriu Agrikultura no Peskas (MAP) ne’ebe hetan apoiu hosi parseiru dezenvolvimentu sira halo, liu hosi aprezentasaun ne’ebe aprezenta hosi Xefe Departamentu Seguransa Alimentar iha MAP Rofino Soares Gusmao relata katak populasaun barak mak iha konsiensia hodi preven an hosi Covid-19, hare liu hosi mudansa esperiensia no restriksaun Covid-19.

Iha dadus hatudu katak iha 96% mak responde katak kumpri regra atu labele lao ba mai, ema ne’ebe tauk virus Corona iha 67%, transporte publiku laiha 65%, hahan menus iha kios ka loja iha 61%, hahan menus iha merkadu iha 50%, sasan seluk menus iha merkadu iha 31% no familia mai fali hosi sidade 32%.

grafiku konaba ema nia konsiensia hodi preven-an hosi Covid-19

Relasiona ho ema ne’ebe asesu informasaun konaba Covid-19, iha dadus hatudu katak maioria uma kain iha area rural,  simu informasaun hodi ajuda sira, atu komprende konaba COVID-19, iha 99% responde katak simu informasaun konaba Covid-19 liu hosi Televisaun iha 71%, liders komunitariu iha 54% no liu hosi radio 52%.

Iha dadus hatudu mos katak iha 92% mak responde katak informasaun ne’ebe sira simu, ajuda tebes sira no komprende hodi prepara hasoru Covid-19.

Xefe Departamentu ne’e mos relata katak hosi asesmentu refere respondent sira mos hatan katak sira bele hases-an ka asegura sira nia uma kain hosi Covid-19, liu hosi fase liman bebeik ho sabaun iha 91%, fase liman bebeik 67%, uza maskra 76%, mantein distansia fizku liu hosi metro 1 76%, hela iha uma 58%, mear ka fani uza liman sikun 37%, hamos uma ninin 33% no labele forma grupu 28%.

Maibe relasiona ho  planu asaun komunidade hodi hasoru COVID-19 menus, liu hosi asesmentu hatudu katak iha deit 48% ne’ebe hatan katak sira nia komunidade iha planu, hodi responde ba situasaun saude, ne’ebe asosia ho Covid-19, iha deit 43% mak hateten sira nia komunidade iha planu atu responde asosia ho situasuan ekonomia no iha 44% mak indika katak sira laiha konnesementu konaba ekipa task force municipiu ba Covid-19.

Asesmentu ne’e halao iha municipiu 12 no RAEOA ho total respondent nain 1,217, feto iha 46% no mane iha 54%. Hosi dadus ne’e mos hatudu katak ih deit 17% deit feto mak xefe ba uma kain no iha 83% mane mak xefe ba uma kain.  Hosi fontes hirak ne’e maioria moris nudar agrikultura iha 92% no pekuaria iha 53%.

Print Friendly, PDF & Email

LEAVE A REPLY

Please enter your comment!
Please enter your name here