Home Notisia Covid-19, Iha 92% Uma Kain Mak Labele Asesu Merkadu

Covid-19, Iha 92% Uma Kain Mak Labele Asesu Merkadu

284
0
Xefe Departamentu Seguransa Alimentar iha MAP, Rofino Soares Gusmao. [Foto: Zevonia Vieira | 10.06.2020]

Reportazen Zevonia Vieira

Ministeriu Agrikultura noo Pescas (MAP) ho parseria halo asesmentu rapidu konaba seguransa ai-iha iha situasan pandemia Covid-19.

Liu hosi rezultadu relatoriu ne’ebe aprezenta hosi Xefe Departamentu Seguransa Alimentar iha MAP, Rofino Soares Gusmao relata katak seguransa ai-han uma-kain hetan impaktu hosi COVID-19, iha 81% uma kain relata sira nia fontes hahan ou rendimentu hetan afeita hosi restriksaun durante Covid-19. Iha 75% uma kain fontes hahan ou rendimentu liu hosi ida ne’ebe afeitadu.

Hare hosi ameasa ekonomia variadu entre Janeiru to’o Maiu 2020 disponibilidade aihan,  asesu ba merkadu no agrikultura no pekuaria insumu (Inputs) hetan limitadu. Iha 92% uma kain hateten sira labele asesu ba merkadu, iha 82% uma kain iha impaktu durante merkadu ka loja taka, iha 74% uma kain hateten katak ai-han menus no ai-han balun la hetan iha merkadu ka loza.

Hosi impaktu ba iha pursentu refere, ba ameasa ekonomia todan iha 49% – 64% mak hatene impaktu forte tebes no at liu kompara ho ne’ebe akontese ona.  Atraves ameasa iha parte ekonomia, uma kain 51% hateten sira la parsialmente rekopera husi saida mak akontese.

Relasiona ona ho populasaun ne’ebehela iha area rural hetan restriksaun hodi asesu ba merkadu, durante Covid-19 iha area rural, dadus hatudu katak ema ne’ebe laiha transporte iha 82%, distansia dook iha 72%, 61% mak dehan merkadu taka, regulamentus prohibita atu halo movimentu iha 47%, ema hola produtu oituan deit iha 44%, ema faan oituan deit iha 33%, la seguru ka iha violensia 18%, laiha ai-han sufsiente atu hola 18%, presu tun liu atu faan produsaun ka animal 17%, presu as liu atu hola supply agirkultura 11% no produsaun seluk laos ai-han oituan atu hola 10%.

Asesementu ne’ebe MAP halao serbisu hamutuk ho parseiru sira hanesan Usaid, Ausaid, Mercy Corps, OXFAM, ADRA, CRS, TOMAK no World Vision. Asesesmentu ne’e halao durante situasuan pandemia Covid-19 nia laran, ne’ebe halao iha municipiu 12 no RAEOA hamutuk fontes nain 1,217 feto 46% no mane 54%.

Print Friendly, PDF & Email

LEAVE A REPLY

Please enter your comment!
Please enter your name here