Home Saude MS Rejista tan Ema nain 1 Positivu COVID-19, Atual Baixa Sae Ba...

MS Rejista tan Ema nain 1 Positivu COVID-19, Atual Baixa Sae Ba 6

522
0
MS Rejista tan Ema nain 1 Positivu COVID-19, Atul Baixa Sae Ba 6. [Foto: David da Costa Gusmao | 20.01.2021]

Reportazen David da Costa Gusmao

Ministeru Saude (MS) ohin registu tan ona kazu positivu COVID-19 no pasiente refere husi sidadaun Indonesia ho idade 30.

Liu husi konferensia imprensa Koordenador Pilar VII  COVID-19 Dr. Nilton do Carmo da Silva informa ba jornalista sira katak ohin loron 20 Janeiru rejistu tan ona ema nain ida hetan afetadu COVID-19, sidadaun Indonesia nian ho idade 30.

“Kazu akumulativu husi Marsu 2020 to’o mai agora ita iha 53 pasiente no agora baixa nain 6”, dehan Dr. Nilton ba jornalista sira iha Palacio Cinzas Kaikoli, 20/01.

Nia espika pasiente ne’e sidadaun Indonesia nudar diplomata, viajen husi Medan- Jakarta Indonesia iha loron 4 Janeiru 2021,  iha loron 5 Janeiru viajen husi Jakarta mai Kupang no husi Kupang mai Atambua iha loron 6 Janeiru no toba iha Ótel Matahari Atambua villa.

Nia salienta tan husi Atambua mai Dili iha Loron 7 Janeiru liu husi fronteira, ba halo Auto Kuarentina iha Ótel Beach Garden, ekipa vijilansia foti sira nia amostra Swab iha loron 18 Janeiru no nia rezlutadu ohin hatudu katak pasiente refere hetan duni positivu COVID-19,

“Pasiente ne’e hamtuk ho nia maluk nain rua ne’ebe halo auto kuarentina iha Ótel Beach Garde  no pasiente positivu ne’e ohin ekipa vijilansia lori ona mai iha sala isolamentu Vera Cruz”, hateten nia

Dadus akumulativu 18.111, hein rezultaduu 280, akumulativu kazu positivu hosi Marsu 2020 to’o ohin loron iha 53, rekuperadu 47, kazu Foun 1. Atual Baixa iha 6, rezultadu negativu 17.778.

Total kuarentina 223, kompostu husi Dili 137, muncipiu 86, auto kuarentina 101, kompostu husi Dili 97, Muncipiu 4 no pasa ona ba loron 14 7.331 husi Dili 6.070, Muncipiu 1.261,.

Print Friendly, PDF & Email

LEAVE A REPLY

Please enter your comment!
Please enter your name here