Home Saude MS Asina MoU Ho Governu Portugal no UNICEF, Apoia Resposta COVID-19 iha...

MS Asina MoU Ho Governu Portugal no UNICEF, Apoia Resposta COVID-19 iha TL

305
0
MS, UNICEO ho Embaixador Portugal asina MoU. [Foto: David | 28.10.2021]

Reportajen David da Costa Gusmao

Ministériu Saúde (MS) asina Memorandu Entendimentu ho governu Portugal no Fundus Nasoins Unidas ba Labarik (UNICEF sigla Ingles) atu apoia resposta covid-19 iha Timor-Leste.

Minisitra  Saúde (MS), Odete Maria Freitas Belo hatete objetivu ohin asina MoU, ne’e atu haree ba iha apoia sira ne’ebé mak governu Portugal liu husi nia embaixadórór iha Timor-Leste, servisu hamutuk ho UNICEF,  atu apoiu hodi responde ba pandemia Covid-19 Iha Timor no haree mós ba orsamentu ne’ebé sira oferese ba MS.

“Total orsamentu $125 mill dollares, ne’ebé mak sira apoiu mai ita, sasán sira ne’e ita kuaze simu hotu ona, no haruka ba hotu ona munisipiu sira mak hanesan, dezinfetante, lubas oxijeniu konsentrador ita distribui balun no balun ita sei iha no ida ne’e Ita haree mós iha hospitál regionál sira ne’ebe atu halo tratamentu ba kazu moderadu sira,” dehan MS Odete iha palasiu da Cinzas kaikoli, Kinta 28/10.

Nia dehan oksijéniu ne’e esensiál atu salva moris durante Pandemia COVID-19, no fornesimentu oksijéniu konsentrador sira, no suprimentu medikál sira seluk sei apoia Ministériu Saúde hodi halo tratamentu ba sira ne’ebé moras todan no kontinuasaun servisu saúde esensiál sira.

Iha fatin hanesan, Embaixadór Portugal iha Timor-Leste,  José Pedro Machado Vieira hatete maske setór Saude, laos sentrál iha portafóliu Kooperasaun Portugeza , fortemente akordu iha setór edukasaun hahu inisia kedas hosi pandemia. Portugal buka atu koopera ho autoridade Timor-Leste sira hodi luta hasoru saude no efeitu sósiu ekonómiku sira hosi COVID-19.

Nune’e mós Reprezentante, UNICEF iha Timor-Leste, Bilal Durrani informa UNICEF nia objetivu mak atu apoia governu hodi fornese ba labarik no sira-nia familia sira asesu ba kuidadu saude, edukasaun no protesaun, no parseria sira ne’e ajuda UNICEF fornese asisténsia nesesáriu ba sira.

“Ami kontente loos ho ami nia parseria ho Ministeriu Saúde no Embaxada Portugal hodi habelar ami nia resposta ba COVID – 19. Ami agradese ba Governu no povu Portugal ba sira-nia apoiu liu hosi Embaxada no mós liu hosi komite nasionál, mak lori mudansa lolos ba labarik no sira-nia familia sira-nia moris iha Timor-Leste,” dehan Bilal.

Print Friendly, PDF & Email

LEAVE A REPLY

Please enter your comment!
Please enter your name here