Home EduTek Workshop Ba Manorin Sira Konaba Istória, Importante hodi Transmite Istória ba Estudante...

Workshop Ba Manorin Sira Konaba Istória, Importante hodi Transmite Istória ba Estudante Sira

2208
0
CNC, UNESCO, KOICA, Ministériu Edukasaun ho Professor sira hasai foto hamutuk. [Foto: Umbelina | 27.09.2023]

Reportajen Umbelina dos Reis

Centro Nacional Chega (CNC) hetan apoiu hosi UNESCO, KOICA no Ministériu Edukasaun realiza atividade Workshop ba professores istória 40 hosi munisípiu tolu ba etapa dala IV ho tema “kualidade istória no edukasaun ba paz iha Timor-Leste”. Formasaun ne’e importante hodi transmite istória ba estudante sira.

Diretor Ezekutivu Centro Nasional Chega (CNC), Hugo Maria Fernandes heteten, objetivu prinsipal hosi atividade refere iha rede manorin matéria istória ne’e oinsá mak sira bele fahe esperiénsia ba malu no hetan koñesimentu foun hosi fasilitador hosi nasaun seluk.

“Tanba matéria istória ne’e todan en termus de hato’o nia konteúdu ne’e ho klaru. Alende ne’e professores sira mos mai vizita fatin istóriku nune’e maneira ida oinsá mak hanorin matéria istória iha aula laran.” Dehan Diretor Ezekutivu Hugo Maria Fernandes ba jornalista sira, iha salaun CNC antigu Comarca Balide, tersa-feira, 26/09.

Nia dehan, eventu ne’e INFORDEPE ho CNC elabora ona manual ida apoiu hosi UNESCO, KOICA no Ministériu Edukasaun hein katak tinan ida ne’e nia rohan manual bele kompletu tanba manual ne’e hanesan matadalan no importante ba professor sira.

“Workshop ne’e ba dala IV, ba loron ohin professores hosi munisipiu tolu mak hanesan Oekusse, Covalima no Likisa, professores hamutuk na’in  40, tanba formasaun ne’e gradualmente nune’e bele efetivu, tanba matéria istória ne’e dixiplina ne’ebe todan ba professor sira, nune’e kada tinan CNC sempre realiza atividade ba programa ne’e.” nia informa.

Reprezentante Diretor Nacional Ensinu Sekundáriu Jeral, Benjamin Gomes da Cruz hateten, hanesan papel Ministériu Edukasaun nian bainhira iha istória mak iha estudante no professores. Nune’e Ministériu Edukasaun prontu koopera ho CNC hodi apoiu no fasilita nafatin manorin sira iha Timor-Leste para bele hetan hotu formasaun. Nune’e manorin sira hatutan matéria istória ba estudante sira ho kualidade.

“Espera katak liu hosi formasaun ne’e manorin sira bele hetan esperiénsia masimu hodi transmite ba estudante no kualidade ba edukasaun.”

Nia informa, ligadu ho forma de aula foka liu ba konteudu kurikular tanba professor maioria mak seidauk komprende masimu ba konteudu kurrikular nune’e hamutuk professores hosi munisipiu sanulu resin rua inklui RAEOA kuaze hetan ona formasaun ba matéria istória.

International Project Officer, UNESCO, Hye Young Kim hateten, planu ba projetu konaba apoiu formasaun ba professor matéria istória nian iha Timor-Leste, professores hosi munisipiu sanulu resin rua inklui RAEOA kuaze total hamutuk atus haat resin, projetu ba progama refere sei remata iha tinan 2025.

Print Friendly, PDF & Email

LEAVE A REPLY

Please enter your comment!
Please enter your name here