Reportajen David da Costa
Relasiona ho membru FALINTIL Forsa Defeza Timor-Leste (F-FDTL) no Polisia Nasionál Timor-Leste (PNTL) ne’ebé maka utiliza arma hodi hakanek sidadaun sira ne’e, Presidente Repúblika (PR), Dr. José Ramos-Horta, konsidera membru sira ne’e laiha dixiplina iha instituisaun nia laran.
Prezidente Dr Ramos Horta hateten, membru Forsa ho Polisia ne’ebé maka kontinua hakanek sidadaun sira ne’e tanba sira laiha displina iha instituisaun nia laran, maibé kompara ho probelma ne’e ba iha rai seluk nian, haree insidente sira hanesan ne’e ijoladu tebes.
“Bom, hau hateten de’it iha problema disiplina, iha forsa no PNTL nia laran, maibe ita kompara ho situasaun sira seluk iha mundu ou meius kompara iha rai laran duni, ita haree insidente sira ne’e ijoladu,”dehan Presidente Republika José Ramos-Horta, iha Aeroportu Internasional Nasional Nicolao Lobato Comoro, Tersa 26/09.
Maibé Xefe estadu ne’e kontinua kontente ho FALINTIL Forsa Defeza Timor-Leste (F-FDTL) no Polisia Nasionál Timor-Leste (PNTL) nia servisu, tanba sira kuase sempre hatudu displina, dala ruma failansu mas la’os problema boot ida .
Nia haktuir, maibé ba ida ne’e, mekanismu institusaun sira nia rasik, FDTL ho PNTL nian para haree rasik, problema disiplina iha FDTL no PNTL nia laran para kria regras ida ne’ebe reguroju, la tolera problema no indisiplina iha forsa no polisia nia laran.
