Home Notisia Seidauk Fo Sai Atu Apoiu Se, Lere: Importante Promove Dialogu no La...

Seidauk Fo Sai Atu Apoiu Se, Lere: Importante Promove Dialogu no La Sai Opozisaun

140
0
kandidatu Prezidente Republika, Lere Anan Timur. [Foto: Adalgisa | 11.02.2022]

Reportajen Francisco Colo

Lere Anan Timur hateten Lu-Olo ho Horta mesak lider nasional no rezistensia, nune’e nia sei sukat no estuda mak fo nia apoiu , no sei hili kandidatu Prezidente Repúblika ida ne’ebé tuir nia prinsipiu promove dialogue, unidade nasional no rekonsiliasaun ba dezenvolvimentu Timor.

Barak mak kestiona liliu ha’u-nia apoiante sira, husi estrutura to’o baze, ha’u apoiu los kandidatu ida ne’ebé? Mais ha’u kaer husi ha’u-nia prinsipiu katak, ha’u promove dialogu, promove unidade, estabilidade atu bele kria dezenvolvimentu iha ita-nia rai laran, ha’u hili lider ida ne’ebé mós tuir ha’u-nia prinsipiu promove dialogue, promove unidade nasional, rekonsiliasaun estabilidade ba ita-nia rai“, dehan Lere liuhosi konferénsia Imprensa iha sede nasional Pantai Kelapa, tersa (29/03).

 Nia hateten, “ha’u lakohi kuandu ukun la bele ukun ho vigansa, ita kuandu ba ukun la bele sai opozisaun ba ida seluk, maibé hotu-hotu tenke servisu hamutuk, hodi bele lori ita-nia nasaun ba oin, tanba ne’e ha’u deklara katak to’o agora ha’u seidauk iha pozisaun ida, atu apoiu kandidatu A ka kandidatu B, sese mak ukun ba ha’u problema laiha, mesak timoroan mak ukun, importante mak ukun rai ida ne’e, sai lider ba rai ida ida ne’e hanesan aman ba nasaun ida nu’udar Prezidente Repúblika tenke haku’ak ema hothotu, tenke haku’ak lider hotu”.

Lere dehan to’o ohin loron komentariu kritiku sira ne’ebe mosu, seidauk marka Lere nia pozisaun.

Ha’u bele dehan katak se ha’u la kandidata Lú, ka ha’u la kandidata Ramos Horta, sira ida mak ukun ha’u hanoin katak Timor-Leste mak ukun Timor nia oan, oan mak ukun” afirma Lere

entretanto Lere husu ba nia apoiante sira tomak katak, nia seidauk toma pozisaun ida atu apoiu kandidatu se, tanba nia lakohi apoiu ida seluk, hodi minimiza fali ida seluk maibé nia apela ba kandidatu nain rua ne’e atu promove Dialogu, Unidade entre lider sira.

Ha’u  ate agora seidauk toma pozisaun ida atu apoiu se, mas jornalista sira bele husu ita boot FRETILIN ninian, ya ha’u FRETILIN, maibé ha’u lider nasional ida, ha’u la’ós kualker lider, ha’u lider nasionais tanba ha’u fakar ha’u-nia ran ba rai ida ne’e, ha’u lider rezisténsia to’o funu hotu, tanba ida ne’e mak ha’u lakoi apoiu ida seluk e minimiza ida seluk, maibé ha’u apela de’it ba lider kandidata ba Prezidente Repúblika promove dialogue, unidade entre lider hothotu, unidade lider ho nia povu, povu ho lider, la bele sai opozisaun“, esplika Lere.

Lere dehan iha loron eleisaun mak sei fo anunsia hodi apoia se mak bele palacio Prezidensia Ai-tarak Laran

Lere akresenta liu tan,ba  Kandidatu Francisco Guterres ‘Lú Olo’ no José Ramos Horta hanesan lider nasionais no resistensia tanba ne’e nia sei sukat, tetu didi’ak atu apoiu se.

Print Friendly, PDF & Email

LEAVE A REPLY

Please enter your comment!
Please enter your name here