Reportajen Silvino Freitas
Relasiona ho sosiedade-sivíl balun ne’ebé hala’o ona advokásia ba kazu asediu seksuál, ne’ebé deskonfia komete husi prokuradór balun, nune família husi autór judisiál lamenta no triste ho publikasaun husi jurista advogadu, ne’ebé halo advokasia ba kazu asediu seksuál husi prokurador balun, ne’ebé lansa liuhusi konferénsia imprensa hodi publika provas ne’ebé la respeita segredu justisa, no tuir loloos provas sira ne’e utiliza husi parte investigador hodi hetan desizaun husi tribunal, nune’e familia konsidera advogadu ne’ebé halo advokasia halo regra segredu justisa nian tanba halo uluk ona akuzasaun maski seidauk iha leitura akuzasaun ne’ebé rejista iha tribunál.
Advogadu José Pedro Camões dehan, ho familia nia naran sente lamentavel tebes ba publikasaun notisia balun ne’ebé fo sai konaba kazu prokurador balun ne’ebé halo asediu seksual ba parte balun, nunee mos dekalarasaun ne’ebé fo sai husi advogadu balun nee proibi tebes tanba iha regra balun ne’ebé husu ita atu mantein segredu bainhira levanta kazu sira nee, nunee mos publisidade ne’ebé fo sai nee kebra ona segredu justisa tanba sira uza provas sira nee kontra prosedimentu legais timor nian, nunee mos iha limitasaun atu halo publikasaun ba pessoal ne’ebé involve iha prosesu refere nian privasidade no reputasaun nian tanba tuir lolos mantein segredu tanba seidauk iha provas ruma ba asaun ne’ebé ema nee involve, no laiha posibilidade atu uza meius sira ne’ebé laiha prova nunee tenke sai segredu justisa.
“kolega advogadu sira ne’ebé kontrariu hasai tiha ona deklarasaun nee la dun kapaaz no viola bom nome familia nian no segredu justisa ne’ebé ita tenke mantein atu fornese provas nee iha futuramente, iha publikasaun ne’ebé halo ona posibilidade ita halo ona kontaminasaun ba provas sira tanba provas sira nee bele loos maibe deklarasaun sira nee mak halakon tiha orijinalidade provas nian” dehan Advogadu José Pedro Camões liuhusi konferensia imprensa ne’ebé halo iha El-Legendariu Lesidere, (04/08).
Nia dehan, dekalarasaun no publikasaun ne’ebé halo ona husi advogadu balun halo familia no advogadu sente triste no lamenta tanba notisia nee fo sai ho filmajen ne’ebé la dun kapaz ba ema ida nian aktu, no sira konsidera publikasaun sira nee bele prejudika familia no oan sira, nune’e prosesu ba aktu sira nee bele lao ba oin atu tribunal bele verifika hodi bele hetan provas loloos ho nia verasidade ba aktu sira nee iha tribunal.
“adavogadu balun sira ansi tiha ona buka popularidade maibe sira nia asistidu sira ema ne’ebé sira reprezenta hela ho naran la dun kapaaz iha komunidade, laos buka notisia nee nia boot maibe nia la halo protesaun ba nia kliente no familia sira tanba parte sira involve nee ema iha familia oan ida nee mak familia nia lamenta” dehan Advogadu José Pedro Camões.
Advogadu nee konsidera, advogadu sira ne’ebé halo advokasia nee haksoit liu tiha hodi halo provas sira ne’ebé halo nee sai kontaminadu iha sosiedade nia leet maibe tenke tuir prosedimentu legal tuir tempu ho oras too prokurador sira bele hola desizaun ruma ba aktu sira nee, nunee dokumentu ne’ebé parte advokasia halo uza ba provas nee lao dook ona husi segredu justisa nian, tuir loloos prova sira utilize husi autoridade judicial atu bele kondena ka lae ba autor sira, involvimentu ba aktu sira nee ema idade boot laos minoridade.
“publisidade nee bele tuir ita nia regras ate akuzasaun nee too iha tribunal rejistadu ho numeiru no husi parte familia, advokasia, media sira bele asesu ona akuzasaun sira maibe seidauk hotu hotu tenke kalma nonok to’o buat sira nee sai proteje naran diak no segredu justisa maibe proteje mos orijinalidade provas ne’ebé iha” Deklara advogadu José Pedro Camões.
Entretantu Reprezentante Familia Humberto Alves dehan, provas ne’ebé jurista husi parte advokasia nian halao ona akuzasaun ida ba autor ne’ebé envolve iha aktu refere, tanba publikasaun sira ne’ebé parte jurista advokasia nian hakat liu ona prosesu investigasaun husi autoridade judicial nian hodi halo kedas ona akuzasaun ba parte ida nia atetude.
“iha konferensia ne’ebé fo sai ba publiku nee nia akuza tiha ona parte kontrariu tanba ida nee husi familia hateten katak ida nee laloos la dun diak tanba nia ultrapasa autoridade judicial, karik ida nee investigasaun lao hela maibe kolega sira advogadu akuza uluk tiha ona katak parte ida nee halo atitudi ida ne’e” dehan Reprezentante Familia Humberto Alves.
Nia konsidera, ekipa advokasia la respeita regra segredu justisa nian tanba publikasaun ne’ebé sira halo nee hanesan faktus ida ne’ebé halo tiha uluk ona akuzasaun, nunee familia sira la kontente publikasaun parte advokasia nian ne’ebé fo advokasia ba vitima balun, tuir regra kazu sira hanesan nee entrega ba parte tribunal mak foti deizasaun tuir provas sira ne’ebé halo liuhusi investigasaun hodi rekolla provas sira nee ida ne’ebé loos no sala.
