Home Notisia Press Day, Alberico: Atividade Jurnalismu Labele Afavor Ba Politiku Sira

Press Day, Alberico: Atividade Jurnalismu Labele Afavor Ba Politiku Sira

361
0
Sekretariu Jeral AJTL, Alberico da Costa Junior. [Foto: Santina Lucia da Costa | 03.05.2020]

Reportazen Santina Lucia da Costa

Liberdade Imprensa no espresaun no visaun boot hosi Asosiasaun Jornalista Timor Lorosa’e (AJTL), liu hosi advokasia no formasaun AJTL kontinua fo hanoin ba membru AJTL sira kontinua halo tuir kodigu etika jurnalistiu no prinsipiu jurnalismu ne’ebe iha.

Iha loron 3 Maiu jornalista no kanal media iha mundu tomak komemora loron liberdade imprensa, liu hosi loron ne’e AJTL relata konaba asumtu balun ne’ebe mak jornalista no publiku presiza hatene.

Sekretariu Jeral AJTL, Alberico da Costa Junior informa katak durante ne’e AJTL observa relasiona ho publikasaun durante ne’e, “se kuandu ita bazeia ba tema jeral loron liberdade imprensa mundial, presija iha ambiente ida ne’ebe livre, ba jornalista hotu-hotu bainhira hala’o aktividade jornalizmu, tantu instituisaun publiku no mos iha fatin sira ne’ebe ke asesu ba sira ne’ebe hala’o sira nia knar”.

Alberico hateten independensia editorial katak presija atividade jurnalizmu labele afavor ba politiku sira, satan afavor ba partidu politiku sira ne’ebe durante ne’e kompete oinsa para atu hetan poder.

“Ligasaun ho kode etik no prinsipiu sira ne’ebe asosiasaun rasik opta, observasaun durante ne’e ita haree katak, iha media balun ne’ebe sira halo promosaun ba politik balun no ba grupu balun, tanba ne’e mak hau hanoin katak, asosiasaun sei esforsu oinsa para atu luta kontra ida ne’e.” dehan Alberico.

Alberico hateten prinsipiu sira ne’ebe mak asosiasaun no media sira iha maka tane-aas nafatin interese ema barak nian, interese publiku ninian, liliu oinsa ita publika nafatin ita nia populasaun sira ne’ebe durante ne’e hasoru problema ekonomia, liliu sira ne’ebe ke hasoru problema aihan.

Alberico informa liga ba liberdade imprensa nian, AJTL oinsa husu ba instituisaun sira hotu-hotu para atu fo espasu masimu ba media no jornalista hotu para bele hetan informasaun, liuliu ba Gabinete Prezidente da Republika, fo espasu ba jornalista sira para atu bele asesu informasaun ligasaun ho atividade ne’ebe Prezidente Republika halo, “por ezemplu hanesan, deklarasaun estadu emerjensia nian, durante ne’e ladun iha espasu ba ita nia jornalista sira”.

Print Friendly, PDF & Email

LEAVE A REPLY

Please enter your comment!
Please enter your name here