Home Saude USAID Ho FONGTIL Lansa Rede Ba Saúde Hodi Fó Advokasia Iha Setór...

USAID Ho FONGTIL Lansa Rede Ba Saúde Hodi Fó Advokasia Iha Setór Saúde

112
0
Diretór Ezekutivu FONGTIL, Elisabeth Araujo. [Foto: Silvino | 05.05.2022]

Reportajen Silvino Freitas

Ajénsia Internasionál ba Dezenvolvimentu hosi Estadu Unidus Amérika (USAID) ho Forum Organizasaun Naun Governamental Timor Leste (FONGTIL), lansa Rede ba Saude (REBAS) Timor Leste nu’udar sosiedade sivíl ida ne’ebé sei fo advokasia ba seitor saude.

Tuir Diretór Ezekutivu FONGTIL, Elisabeth Araujo hateten REBAS sei sai sosiedade sivíl ida ne’ebé haman an iha FONGTIL nia okos hodi sai parseiru kritiku ba governo hodi fo advokasia ba seitor saúde nune bele hadia lakunas sira ne’ebé infrenta iha seitor saude.

“FONGTIL sai hanesan parseriu krítiku ba governu, tanba ne’e ita hanoin Ministériu Saúde tenke halo liña koordenasaun REBAS, atu nune saida mak REBAS hetan iha terenu, bele propoin no rekomendasaun ida espesífiku ba Ministériu Saúde hodi bele hadia, REBAS ne’e rasik iha FONGTIL nia okos, sira mak halo advokasia ba setór saúde,” dehan Elisabeth iha Timor Plaza,(05/05).

Nia dehan daidaun ita iha sistema saude ne’ebé seidauk adekuadu loloos, tanba iha lamentasaun no halerik hosi komunidade, liu-liu ba komunidade ne’ebé laiha kbiit atu asesu ba tratamentu saúde iha estranjeiru, maski iha ona hospital HNGV, sentru saúde iha munisípiu no postu, maibe infelizmente wainhira komunidade sira asesu ba saude iha buat barak mak sei falta, tanba ne’e maka prezensa REBAS sira bele halo servisu espesífiku liu-liu iha seitor saúde.

Entretantu Enkaregadu Embaixada Estadus Unidus Amerika iha Timor Leste, Tom Daley haktuir, programa ne’ebé REBAS iha importante tebes ba hotu hodi garante ba ema hotu atu bele hetan saude ne’ebé ho kualidade no ekuitativu, tamba ne’e too dadaun ne’e USAID oferese ona osan millaun $15.6, no ba oin nafatin fornese ba governo Timor Leste servisu atendimento ne’ebé kualidade di’ak ba povu Timor Leste.

“Hau sente orgullu ba governu Timor-Leste, kona sira nia politika ba kombate covid19, no taxa numeru ne’ebé fo sai hosi Vise Ministru Saude ne’e di’ak tebes” nia dehan.

Fatin hanesan Vise-Ministeru Saude, Bonifacio Maukoli dos Reis hateten lansamentu REBAS ne’e importante tebes, tanba FONGTIL nu’udar organizasaun ida ne’ebé sai parseiru forte tebes ba Ministériu Saúde, atu sira bele hala’o ho sistema ida ne’e hodi ajuda MS, halo kooperasaun koordenasaun no halo advokasia, liuliu oinsa atu hasae koñesimentu komunidade sira atu bele partisipa di’ak liu tan iha saude.

“It nia objetivu planu estratéjiku dezenvolvimentu nasionál iha setór saúde iha 2011-2030, ita nia povu to’o ona objetivu ida, katak povu no nasaun tenke saudavel tanba ne’e ita tenke hasae kualidade prestasaun saude, kuidadus primaria liu-liu fo atensaun ba areas remotas, “nia konklui.

Print Friendly, PDF & Email

LEAVE A REPLY

Please enter your comment!
Please enter your name here