Home Notisia Press Day, AJTL Husu Jestaun Media nian Garante Nafatin Jornalista Sira nia...

Press Day, AJTL Husu Jestaun Media nian Garante Nafatin Jornalista Sira nia Bem Estar

160
0
Jornalista sira komemora loron liberade imprensa. [Foto: Copyright google | 03.05.2020]

Reportazen Santina Lucia da Costa

Loron Liberdade Imprensa nudar loron importante ba jornalista sira iha mundu tomak, inklui Timor-Leste hodi kontinua hakilar ba liberdade imprensa no espresaun. Ba loron liberdade imprensa ho tema mundial Jornalista Lalika Tauk Koalia Lia Los no La Afavor ba Politiku.

Ba loron Liberade Imprensa ne’ebe monu iha loron 3 Maiu, Timor-Leste hasoru hela situasaun moras surtu Covid-19, ho moras ne’e fo impaktu ba ekonomia iha kompania media sira, tan jornalista sira iha ameasa nia laran hodi hatun salariu jornalista sira nian.

Ho problema ida ne’e, Asosiasaun Jornalista Timor Lorosa’e (AJTL) husu ba jestaun no media nain sira atu nafatin garante jornalista sira nia “bem estar” ka kesejahteraan no husu atu labele koa jornalista sira nia vensimentu no salariu iha tempu defisil ida ne’e, tanba sira kontribui diretamentu ba kresimentu ekonomia kanal media sira nian durante ne’e.

AJTL nu’udar organizasaun mahon ba jornalista Timor-Leste ne’ebé durante ne’e kontribui ona ba liberdade imprensa no hametin kompeténsia jornalista sira nian, liuhusi formasaun lubuk ida no halo advokasia ba jornalista sira iha tempu ne’ebé sira hasoru problema.

Asosiasaun ne’e mós harii kooperasaun no halo parseria ho organizasaun no ajénsia lubuk ida, tantu iha railaran no railiur, hanesan SEAPA, IFJ, UNESCO, AJI, UNDP, Conselho Imprensa (CI), RENETIL, TLPU no kanál mídia hotuhotu ne’ebé ezisti iha Timor-Leste.

LEAVE A REPLY

Please enter your comment!
Please enter your name here