Home Notisia Press Day, AJTL Kongratula Jornalista Sira no Husu Jornalista Sira Kontinua Luta...

Press Day, AJTL Kongratula Jornalista Sira no Husu Jornalista Sira Kontinua Luta Kontra Hoax

211
0
AJTL halo konferensia imprensa ba loron liberdade imprensa. [Foto: Santina Lucia da Costa | 03.05.2020]

Reportazen Santina Lucia da Costa

Loron 3 Maiu nudar loron mundial Liberdade Imprensa, ba tinan ida ne’e tema mundial mak Lalika Tauk Koalia Lia Los no La A-favor ba Politiku. Relasiona ho loron Liberdade Imprensa,

Asosiasaun Jornalista Timor Lorosa’e (AJTL) liu hosi konferensia imprensa kongratula jornalista no kanál mídia hotu ne’ebé durante ne’e kontribui ona ba dezenvolvimentu nasionál no prosesu harii paz no demokrasia iha país ne’e, liuhusi publikasaun notisia no programa relevante sira.

Iha konferensia imprensa Prezidente AJTL, Zevonia Vieira husu ba jornalista no mídia hotuhotu atu kontinua halo kobertura ba asuntu propagaasaun COVID – 19 ne’ebé dadauk ne’e sai ameasa boot ba vida umana iha mundu tomak no tenke nafatin kumpri Kódigu Diontolójika ne’ebé iha no tane-aas nafatin prinsípiu jornalizmu cover both sides (kobre parte rua).

Tuir nia, jornalista no mídia  hola papél importante tebes iha situasaun ne’e, tamba bele informa no eduka sidadaun sira atu halo asaun preventiva hasoru virus korona no luta hasoru informasaun falsu sira ne’ebé ema iresponsavél sira lansa mídia sosiál.

“Mídia hola papél importante tebes atu trazmite no publika informasaun sira edukativu, nune’e sidadaun sira bele prevene propagasaun virus korona ne’e. Jornalista no mídia tenke luta hasoru mós hoax no fake news sira ne’ebé espalla iha mídia sosiál atu redus situasaun pániku iha sosiadade nia leet. Liuliu informasaun falsu sira iha relasaun ho asuntu COVID – 19 ne’ebé la’os mai husi fonte sira kredivel,” haktuir Prezidente AJTL Zevonia Vieira ba jornalista iha Fundasaun Haburas, 3/5/ 2020.

LEAVE A REPLY

Please enter your comment!
Please enter your name here