Home Notisia Ohin CIJK Laiha Konferensia Imprensa Tanba Laiha Mudansa Ba Dadus, Hahu Fali...

Ohin CIJK Laiha Konferensia Imprensa Tanba Laiha Mudansa Ba Dadus, Hahu Fali Iha Loron 18 Maiu

221
0
Portavoz CIJK, Dr. Rui Araujo. [Foto: Francisco JDA | 07.04.2020]

Reportazen Zevonia Vieira

Relasiona ho agenda regular hosi sala de situasaun Centru Integradu Jestaun Krize (CIJK), ne’ebe kada loron oras tuku 15:00 relata informasaun konaba moras surtu Covid-19 iha Timor-Leste, maibe sala de situasaun la halo konferenia imprensa iha loron 17 Maiu.

Neon Metin halo konfirmasaun ho centru media sala de situasaun CIJK, konaba konferensia imprensa ne’ebe mak labele realiza, ba Neon Metin, Koordenador Unidade Informasaun Publika, Centru Integradu Jestaun Krize (CIJK), Jose da Costa esplika katak relasiona ho dadus Covid-19 ne’ebe mak sedauk iha mudansa, portavoz sala de situasuan CIJK adia konferensia imprensa iha loron Segunda 18/05 ho nafatin oras ne’ebe hanesan.

“Tamba laiha mudansa barak iha dadus no sidauk iha informasaun signifikante atu relata ba publiku, mak Portavoz Sala Situasaun husu atu adia konferensia imprensa ba aban lokraik (Segunda 18 Maiu) oras 15:00″, hateten Jose da Costa

Koordenador Undiade Informasaun Publika informa tan katak hahu aban, loron 18 Maiu 2020, konferensia ba imprensa sei hahu hikas fali hanesan babain. Husu nafatin ba publiku atu akompanha atualizasaun iha kanal sira ne’ebe fo sai direto konaba informasaun Covid-19.

Print Friendly, PDF & Email

LEAVE A REPLY

Please enter your comment!
Please enter your name here