Home Notisia TL Sei Iha tan Ro Nakroma II Ho Rute Dili, Manatuto, Baucau...

TL Sei Iha tan Ro Nakroma II Ho Rute Dili, Manatuto, Baucau no Suai-Beasu

2255
0
Presidente Konselho Admistrasaun Autoridade Portuariu Timor Leste (APORTIL.IP), Flavio Cardozo Neves. [Foto: Francisco JDA | 12.03.2021]

Reportazen Francisco JDA

Relasiona ho ro Nakroma II ne’ebe dadaun ne’e iha hela faze konstrusaun nia laran no Timor- Leste finansia ona besik 79%, dadaun ne’e faze fíziku hotu ona no kontinua ba instalasaun.

Presidente Konselho Admistrasaun Autoridade Portuariu Timor Leste (APORTIL.IP), Flavio Cardozo Neves ba jornalista sira hateten katak konstrusaun ro Nakroma II,  ne’e finansiamentu entre Timor-Leste ho Alemanha nune’e selu ona kuaze 79 %, maibé oráriu ne’ebe kompania estabelese iha fulan Abril no ro ne’e sei halo movimentu iha tasi.

“Ita espera oráriu ne’e bele tuir los pesu ne’ebe determina ona, tan ne’e loron loron ita halo video conference atu hatene progresu ne’e to’o iha ne’ebe, maibé konstrusaun fízika ne’e liu hotu ona no agora tama ona ba iha instasalaun ekipamentu sira seluk, nune’e iha Abril iha oráriu nia tenki tama tasi”, hateten Flavio Cardozo Neves, iha nia knaar fatin Ponte Kais Kolmera, 12/03

Presidente Konselho Admistrasaun Aportil ne’e realsa liu tan katak, tuir kontratu funsionáriu sira tenki halo akompanhamentu ba iha terrenu beibeik maibé, tanba covid labele no halo deit ba enkontru virtual.

Nia dehan atu hapar mos ho programa governu ne’ebe dehan atu dezenvolve parte maritima, tan ne’e sei loke tan fatin balun, atu nune’e nakroma II mai ne’e nia oráriu, ba iha parte Norte hosi Dili Manatuto, Baucau, to’o Suai Beasu tanba ne’e mak iha programa orsamentu ne’e Ministeriu Transporte tau atú prepara  ba Lending Facility fatin ne’ebe mak loke temporariamente ro Nakroma II, ne’e atu ba trata se lae ro ne’e mai halai nafatin ba Oe-cusse, tanba ne’e rekruta ema barak ne’e iha objetivu.

“Situasaun ne’e Aportil halo rekrutamentu ona timoroan ne’ebe iha kapasidade atu sai tribulantes timoroan, ita konsege hetan ona sira liu ona iha faze teste fíziku no too ikus mai sei faze interview, ita identifika ona timoroan balun ne’ebe mak iha kapasidade atu sai hanesan tribulans timor oan,” dehan Presidente Admistrasaun Autoridade Portuariu Timor Leste, Flavio Cardozu Neves.

Print Friendly, PDF & Email

LEAVE A REPLY

Please enter your comment!
Please enter your name here