Home Saude Rejista tan Positivu COVID-19 Foun nain 11, Bairo-Pite Tama Cluster Foun

Rejista tan Positivu COVID-19 Foun nain 11, Bairo-Pite Tama Cluster Foun

551
0
Ilustrasaun virus Corona. [Foto: Copyright google | 07.03.2020]

Reportazen Francisco JDA

Sala Situasaun – Centro Integradu Jestaun Krize (CIJK), relata progresu atividade prevensaun no mitigasaun surtu COVID-19 iha municipiu Dili, liu hosi konferensia imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araújo relata katak hosi horseik no ohin loron 12/03 iha Dili, amostra ne’ebé rekolla iha atividade buka-tuir kontaktu besik, detekta tan kazu positivu foun nain 11.

Dr.Rui esplika detalla katak kazu pozitivu 1, husi aldeia 4 de Setembru, suku Comoro, Postu administrativu D.Aleixo, Munisipiu Dili. Pozitivu ida ne’e kontaktu besik ho kazu iha cluster Ministériu Transportes e Comunicações (MTC), kazu pozitivu 4, husi aldeia Frekat, suco Bairro Pité, Postu Administrativu D.Aleixo, Munisipiu Dili, ba kazu refere Pozitivu ida ne’e kontaktu-besik ho kazu ida iha cluster Ministeriu Finanças.

Dr. Rui hatutan zazu pozitivu nain 4, profisionál saúde ne’ebé halo formasaun Emergency Obsterics and Neonatal Care (EMONC) iha HNGV, sira kontaktu-besik ho profisionál saúde ida ne’ebé mós halo formasaun hanesan iha HNGV, ne’ebé anunsia pozitivu iha loron 10 Marsu.

“Hamutuk hotu sira nain 5 ne’ebé tuir formasaun EMONC no detetadu nu’udar kazu pozitivu, la’os servisu iha HNGV, maibé nu’udar kontaktu-besik husi profesional saúde ida ne’ebé pozitivu iha loron 9 Marsu. Kazu pozitivu 2, rezultadu husi vijilánsia sentinela iha Centru Saúde Formoza (ida hela iha aldeia Materestu, Vila Verde, ida iha Fatuhada),” dehan Dr. Rui iha CCD< 12/03.

Ho nune’e Dr. Rui hateten kazu detetadu ka pozitivu iha Dili husi loron 7 Marsu to’o ohin, hamutuk 47. Ho baze ba informasaun foun ne’ebé ekipa konjunta saúde nian rekolla, foku/agrupamentu/cluster kazu pozitivu iha Dili, hetan revizaun hanesan BTN II-Terra Santa, Suku Madohi: kazu 6,  aldeia Gólgota-Madohi iha kazu 3,  aldeia Lurumata, Suco Madohi iha kazu 2, iha aldeia 4 Setembru, Comoro iha kazu 2, Aldeia Fomento I, Suku Comoro iha kazu 3,  aldeia 05, Suku Fatuhada iha kazu 3, Bebonuk kazu 2, Delta  kazu 1, aldeia Frekat, Suku Bairru Pite iha 3 (cluster foun), Ministériu Finansas iha kazu 3, SEFOPE kazu 9, Ministério Transportes e Comunicação kazu 2, MONC (Emergency Obstetrics and Neonatal Care) training/Hospital Nacional Guido Valadares iha kazu 5 no Formoza iha kazu 2.

Kazu 47 ne’e fahe ba cluster 14, namkari iha instituisaun 3, eventu 1 & Suku 6 iha Postu Administrativu D. Aleixo, no mos Postu Administrativu Vera Cruz.

Print Friendly, PDF & Email

LEAVE A REPLY

Please enter your comment!
Please enter your name here