Home Uncategorized Covid-19, Ema Nain 467 Sei Hein Rezultadu Teste, CIJK Husu Populasaun Kontinua...

Covid-19, Ema Nain 467 Sei Hein Rezultadu Teste, CIJK Husu Populasaun Kontinua Displina Aplika Regras

247
0
Ilustrasaun ba imunidade kontra virus Corona. [Foto: Copyright Pinter Resep | 13.04.2020]

Reportazen Zevonia Vieira

Relasiona ho moras surtu Covid-19 iha Timor-Leste, liu hosi esfrosu ne’ebe mak ekipa medikus, professional saude sira no VIII Governu Timor-Leste konsege alkansa, hodi hetan rezultadu zero ba kazu Covid-19 katak em nain 24 konfirmadu no nain 4 provavel konsege kuradu no fila ba sira nia komunidade.

Liu hosi konferensia imprensa, portavoz Centru Intregadu Jestaun Krize (CIJK), Dra. Odete Viegas hateten CIJK apela ba populasaun tomak atu fiar nafatin governu  ne’ebe agora lidera prosesu prevensaun no mitigasaun moras Covid-19.

Dra. Odete mos dehan rona no fiar de’it informasaun sira ne’ebé sai husi Konferensia Imprensa ne’ebé CIJK realiza loron-loron.

“Kolabora no partisipa ho disiplina iha distansiamentu sosiál, distansiamentu fiziku no ijiene pesoál. Tur hakmatek iha uma no sai deit husi uma kuandu presiza tebes duni. Fase liman bebeik, liu-liu wainhira tama iha fatin publiku. Liman labele konaba inus, matan ho ibun wainhira seidauk fase. Uza máskra wainhira sai, liu-liu wainhira tama iha fatin atendimentu publiku. Ba konsulta iha fasilidade saude hotu nebe mak besik iha imi hotu nia hela fatin wainhira moras”, hateten Dra. Odete iha centru media CCD, 16/05.

Liu hosi teste ne’ebe mak halo ona hamutuk 1346, ba maluk sira ne’ebe hein rezultadu teste iha nain 467.

LEAVE A REPLY

Please enter your comment!
Please enter your name here