Home Notisia Zero Ba Kazu Covid-19, Dra. Odete: Funu Hasoru Covid-19 Foin Hahu, Sei...

Zero Ba Kazu Covid-19, Dra. Odete: Funu Hasoru Covid-19 Foin Hahu, Sei Iha Dalan Naruk Ba Oin

1277
0
Diretora Preparasaun Saude iha Ministerio Saúde, Dra. Odete da Silva Viegas. [Foto: Francisco JDA | 31.03.2020]

Reportazen Zevonia Vieira

Moras surtu Covid-19 ne’ebe daet iha Timor-Leste, ne’ebe hatudu katak iha loron 15 Maiu kazu positivu zero ka laiha, tanba maluk sira ne’ebe mak konfirmadu positivu iha isolamentu rekuperadu.

Liu hosi konferensia imprensa portavoz Centru Integradu Jestaun Krize (CIJK), Dra. Odete Viegas hateten Timor-Leste bele dezempenha serbisu diak tebes, atu kontem epidemia Covid-19 iha Timor-Leste.

Dra Odete hateten Primeiru Ministru no Komisaun Interministerial, Seguransa, Dioseje, Komunidade Vera Cruz, autoridade local, WHO, UNICEF, WFP, Parceiros hotu, Eis Vice Ministra. Dra. Elia, Eis Titulares, CVTL, MRH, MBX, front line hotu-hotu, CIGC, Voluntarios, Familia recuperados ho Kuarentina no Auto Kuarentina, sociaedade tomak, kontribui ona ba konquista ida ne’e ho maneira oioin. Husi kazu 24 nebe durante ne’e regista konsidera hanesan kaju inportadu.

Dra. Odete hateten to’o oras ne’e seidauk iha evidencia konaba transmisaun lokal iha komunidade, ida ne’e komprova ona husi dadus hatudu katak 22 husi 24 kazu konfirmadu mak ho istoria viajem no nain 2 seluk mak kontaktus besik husi Prof.Portugesa.

Iha loron 15 Maiu kazu konfirmadu nain 5 liberadu ona hosi centru izolamentu Vera Cruz. Husi meadu Abril ate agora besik ema nain 2300 mak tenki hela iha fasilidades kuarentena nebe prepara ona husi governo no numeru balun autoquarentena.

Liu hosi konferensia imprensa Dra. Odete mos informa konaba konaba ekipa hosi vijilansia, kuarentena no laboratoriu halao sira nia esforsu extra. Hosi total 1346 amostra mak halo ona teste no 467 mak iha procesu teste hela, importante tebes atu informa nafatin katak teste sira ne halao pralela nafatin ho laboratório Royal Darwin Hospital, hodi asegura kualidade testu laboratoriu.

“Buat sira ne’e hotu ita sei la konsege alkansa wainhira la iha servisu makaas no la kolen ka baruk husi komponentes hotu, hahu husi oinsa bele estabelese sistema resposta rapidu, konsekuensia atu bele infetadu husi virus nebe fatal ba ema nia vida no’o tenki sakrifika tempu barak, atu husik hela sira nia familia no vida normal. Balun husi sira tenki servisu oras ba oras iha sala laboratoriu no la deskansa, barak husi sira labele fila ba uma loron ba loron to fulan, husik hela ema sira nebe mak sira hadomi, sakrifisiu hirak ne’e sira halo atu bele salva guarda ita nia nasaun no interese kolektivu atu kontem ka satan hela epidemia ne’e iha rai ida ne’e”, hateten Dra. Odete iha centru media CCD, 16/05.

Dra. Odete hatutan ba maluk sira ne’ebe toma konta limpeza, atu nafatin iha ambiente ne’ebe moos, nafatin halao sira nia knaar.  Timor-Leste adopta ona estrategia kuarentena no teste agresivu.

“Ita hotu nia funu hasoru COVID-19 foin hahu hela no ita sei iha dalan nebe naruk ba oin. ba ita tuir mai sei iha servisu no responsabilidade boot nebe sei kontinua halao, hodi mantein bele kontrola epidemia ida ne’e no avanza hodi hadiak ekonomia iha sosiedade. Mai ita kontinua servisu hamutuk ba Timor-Leste ida Saudavel no Seguru liu”, deklara Dra. Odete.

Print Friendly, PDF & Email

LEAVE A REPLY

Please enter your comment!
Please enter your name here