Reportajen Joanina Casmiro
Lian Juventude ba Loron 30 Agostu 1999 mak loron importante ba Timoroan sira, hodi determina destinu Timor nian. Nune’e sira niam esperansa mak hadi’a povu nia moris, no loke kampu traballu ba Timoroan sira.
Vilena Andrande Maia, UNTL, Hateten Loron 30 de Agostus 1999 ne’e loron konsulta popular importante ba sidadaun Timoroan hotu hodi ba tuir Votasaun hodi desidi Timor-Leste nia destinu. Tanba ne’e hanesan foinsa’e ida esperansa ba futuru mak hakarak nasaun ida tenke ba oin no dezemvolve iha parte hotu-hotu labele hare de’it ba kor, maibe tenke hare mos ba povu hotu nia luta no terus durante okupasaun husi nasaun Indonesia.
“Ha’u husu ba estadu no governu haree povu hotu-hotu hanesan labele hare ba familiarismo, ka haree partidu de’it. Haree mos ba maluk difisiensia sira labele halo diskriminasaun hasoru sira, tanba ita hotu iha direitu ne’ebé hanesan. husu ba estadu no governu loke kampu traballu ba joven no hadi’a povu nia moris,”Dehan Vilena ba Neon-Metin iha Caicoli, Sexta 08/24.
Aniceto Marcelo Lequi-Berec da Costa Soares, mos hanesan UNTL, hateten nu’udar joven, iha esperansa bo’ot tebes iha futuru liga ho selebrasaun loron referendo ida ne’e, ba ukun-nain sira atu sériu no foku liutan ba sira nia servisu, sentimentu ida hadomi povo ne’e tenke metin iha sira nia fuan, labele komete iha hahalok korupsaun, konciêndia bo’ot nafatin hodi desenvolvel nasaun.
“Ha’u husu ba Estado no Governo hatudu liutan imi nia domin ba Povo Timor-Leste, liu husi halo desenvolvimento ba Povo liu husi hadia liutan Estrada, desenvolve Educação, Eletricidade, Be’e moos ba povo hotu no loke kampu trabalho ba joven sira hotu,” Dehan Aniceto.
Nune’e mós Bendita de Lima.R.M Barreto, haktuir loron referendu mak hanesan iha momentu ne’eba povu Timoroan hotu-hotu tenke ba halo Votasaun hodi hili Automina ka Ukun rasik a’an, tanba liuhusi pregu no suratan mutin iha 30 de Agostus ohin loron bele hetan ona Independensia ida ne’e.
“Ohin loron ita lelebarasaun loron referendum Timor-Leste dala 25 ona, ho ida ne’e husu ba joventude sira hotu katak loron importante hanesan tenke fo mos ita nia tempu hodi partisipa hanesan foinsa’e tenke neon brani hodi halo tuir heroi sira ne’ebé uluk lutan no halo ba rai doben ida ne’e,” nia husu ba joven
Husu mos ba Estadu atu hadi’a Timor-Leste ho Dezenvolvimentu ne’ebe ho kualifikadu tanba Timor-Leste ukun a’an ona tenke tau preoridade liu-liu ba parte Edukasau, Saude, estrada, Eletrisidade, kampu de traballu ba joven sira ne’ebe mak remata ona sira nia estudu iha Universidade tuir ida-idak nia area.
