Home Uncategorized Ministériu Saúde Aloka Orsamentu $5.4 Milloens Sosa Ai-moruk 87 Item

Ministériu Saúde Aloka Orsamentu $5.4 Milloens Sosa Ai-moruk 87 Item

126
0
MS ho UNDP. [Foto: David | 15.11.2021]

Reportajen David da Costa Gusmao

Governu liuhusi Ministériu Saúde (MS), halo parseria ho United Nations Development Programme (UNDP) aloka orsamentu $5.4 miloes hodi sosa aimoruk 87 item, hodi prepara ba pasiente ne’ebé sofre virus Covid-19.

“Ai-moruk ne’ebé mak ohin ita simu husi parseria mak ai-moruk fuan nian, paracetamol, antibiótika, Amoxicillin, Multivitamin, no seluk tan. Nune’e ai-moruk sira  ne’e ita prepara ba iha virus Covid-19 nian”, dehan Ministra Saúde (MS), Odete Maria Freitas Belo, ba jornalista sira, iha Kampung Alor, Segunda 15/11.

Nia dehan ai-moruk ne’ebé iha esensial tebes ba Hospital Nasionál Guido Valdares (HNGV), sentru saúde ho internamentu no ospitál regional sira.

“Ita iha serbisu parseria ho UNDP hala’o service ho orsamentu ne’ebé ita koloka ba iha UNDP, sira halo prosesu aprovizionamentu, ida nia deliver ne’e ba dala-3 ona ai-moruk balun mai iha inisiu fulan 2021 nian, iha fulan klaran no agora mai fali iha terseiru parte nian mak ida ne’e”, tenik nia.

Ai moruk sira ne’ebé sosa ona ho montante osan hamutuk  $5.4 miloes, ai-moruk hamutuk  85 item tama iha semana 2 liu ba no balu halo ona distribuisaun.

Iha tempu hanesan Ministériu Saúde mós haree ai-moruk sira ne’ebé mak  falta iha Covid-19 susar tebes atu halo aprovizionamentu, Ministeriu Saude identifika kedas ai-moruk importante sira hodi halo kompras.

Print Friendly, PDF & Email

LEAVE A REPLY

Please enter your comment!
Please enter your name here