Home Notisia CIJK ho Familia Matebian Olga Konkorda Ona Hakoi Iha Bekusi Tuir Protokolu...

CIJK ho Familia Matebian Olga Konkorda Ona Hakoi Iha Bekusi Tuir Protokolu OMS

740
0
kaixaun ne'ebe lori ba VC hodi tau mate isin. [Foto: David da Costa | 22.04.2021]

Reportazen David da Costa Gusmao*

Sala Situasaun Centro Intergradu Jestaun Krize (SS-CIJK), liu husi nia Koordenador ba Destakamentu Reasaun Rapida (KDRR) konvoka enkontru ona ho familia matebian Olga Medonsa (61) ne’ebe mate iha sala izolamentu Vera Cruz, atu hakoi matebian iha simiteriu publiku Bekusi iha loron aban, maibe sei tuir protokolu organizasaun Mundial Saude (OMS) nian.

Koordenador ba Destakamentu Reasaun Rápida (KDRR), Aurelio Guterres hatete bainhira simu informasaun husi Vera Cruz katak iha pasiente COVID-19 ida mate tan ona.

“Parte ekipa jestaun nian ne’ebe kompostu husi, pilar I, pilar II  no pilar VI husi parte Saude nian, Ministru solidaridade Sosial no inkluzasun (MSSI), Crus Vermelha Timor-Leste (CVTL) no institututu Jestaun ekipamentu obras publikas, ami ohin enkontru ona ho familia husi matebian nian”, dehan Aureliu Liu husi via telefoniku ba jornalista sira, iha CCD, 22/04.

Nia dehan parte hotu konkorda ona, para oinsa atu bele halot matebian Olga Mendonsa ne’ebe hakotu iss iha Vera ruz, no sei hakoi tuir prosesu protokolu OMS nian hanesan baibain.

“Ohin ami ho familia konkorda ona katak sei hakoi matebian iha semiteiru publiku Bekusi, halot ne’e ohin familia matebian sei prepara hela rate, kaixaun ohin iha ona no halo tuir ita nia kultura, aban dader mak ita ba foti hodi hakoi,”nia informa.

Iha sorin seluk Oan husi matebian Evangelista Mendonça Amaral hateten sira nia parte halo enkontru ona ho CIJK hodi deside matebian ba hakoi iha semiteriu publiku Bekusi.

“Ohin hau nia maun ho bin maka hasoru ona CIJK, sira dehan aban dadersan tuku 07:00 sei lori matebian ba uma, tau oras ida iha uma, depois maka lori ba halot iha Bekusi no mate isin ne’e sira maka lori ba, ami familia matebian akompania no prepara rai kuak deit, maibe halot  tuir protokolu husi OMS nian”, dehan Evangelista.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here